• USD 424.85

  • EUR 504.21

  • RUB 5.84

  • CNY 65.86

27 Qańtar, 20:57:01
Almaty
-7°

Shyǵys Qazaqstan sýarmaly jerlerde kópjyldyq jem-shóp daqyldaryn ósirip, jyl saıyn joǵary ónim alady. Osy rette, eksportqa shyǵaratyn daqyldardyń óndirisin keńeıtý jáne kólemin arttyrý boıynsha naqty sharalar qabyldanýda.

Shyǵys Qazaqstan oblysynyń ákimi Danıal Ahmetov Ortalyq kommýnıkasııalar qyzmetinde ótken baspasóz konferensııasynda ósimdik sharýashylyǵynyń damýy týraly baıandady.

Kúzgi jıyn-terinniń qorytyndysy boıynsha jalpy ónim jınaý 340 mlrd. teńgege baǵalanyp, ótken jylǵa qaraǵanda 130%-ǵa ósti. Barlyǵy 804 myń tonna dándi daqyldar jınalsa, sonyń 626 tonnasy maıly daqyldar.

– Álemde burshaq jáne maıly daqyldarǵa suranys joǵary. Eń úlken tutynýshy – Qytaı. Ol jyl saıyn kóp mólsherde maı men maı tuqymyn satyp alýǵa daıyn. Búgingi tańda elimizde ósiriletin kúnbaǵystyń 66%-y Shyǵys Qazaqstanǵa tıesili. Sondyqtan ósimdik maıynyń alýan túrin óndirý boıynsha kóshbasshy bolatyn múmkindigimiz zor. Maıly daqyldar egistigin 23%-dan 40%-ǵa deıin ulǵaıtý qajet, – dedi aımaq basshysy.

Oblysta maıly daqyldardy qaıta óńdeý boıynsha úsh iri joba iske asyrylýda. Jobalardy iske qosý óńdeý kólemin jylyna 700 myń tonna maı men tuqymǵa deıin arttyrýǵa múmkindik beredi, bul taǵy da egis alqaptarynyń keńeıýine jáne shıkizat bazasynyń nyǵaıýyna yqpal etedi. Jobalarǵa salynǵan ınvestısııalardyń jalpy kólemi 30 mlrd. teńgeden asady.

Budan basqa Shyǵys Qazaqstanda ázirlengen ósimdik sharýashylyǵyn damytý baǵdarlamasyna sáıkes tıimdiligi joǵary daqyldardyń, atap aıtqanda júgeri, soıa, raps alqaptaryn ulǵaıta otyryp, egistikterdi ártaraptandyrý jumystary júrgizilýde.

ShQO aqparat ortalyǵy

"Qamshy" silteıdi
Ilmek sózder: ShQO

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir