Qazaqstannyń taǵy bir qalasynda karantın kúsheıtiledi

Shymkent qalasynyń bas sanıtar dárigeri Ábdimanap Tólebaev karantın sharalaryn uzartý týraly qaýly qabyldady.

Qaýlydan karantın sharalary 23 qarashaǵa deıin sozylatyny jazylǵan.

Atalǵan qaýlyǵa sáıkes qala turǵyndaryna tómendegi talaptardy oryndaý mindetteledi.

• adamdardyń kóp jınalýyna baılanysty kez kelgen is-sharalardy ótkizýge tyıym salý (eske alý, týǵan kúnder, mereıtoılar, shyǵaryp salý, qudalyq toı, betashar);
• 65 jastan asqan adamdardyń qalada júrýin shekteý;
• qalada júrgende arnaıy sanıtarlyq talaptardy saqtaý;
• qoǵamdyq oryndarǵa, adamdar kóp jınalatyn obektilerge, qoǵamdyq kólikterge mingende maska rejımin saqtaý;
• úılerdiń aýlalaryna jáne saıabaqtarǵa, alańdarǵa, skverlerge, jaǵalaýlarǵa baryp serýendegende 3 adamnan aspaıtyn toptarǵa nemese bir otbasy múshelerine ruqsat etý.

Shymkent qalasynyń ákimine, memlekettik organdarǵa, menshik nysanyna qaramastan uıymdar men kásiporyndarǵa, zańdy tulǵalarǵa jáne kásipkerlik sýbektilerge karantın ýaqytynda kelesi sharalardy qamtamasyz etý qajettigi aıtyldy.

• Jumys ýaqytyn barynsha qysqartý. Keńse qyzmetkerleriniń 50 paıyzyn qashyqtan jumys jasaýǵa kóshirý;
• saýda ortalyqtarynda, adam kóp jınalatyn oryndarda kúndelikti dızınfeksııalyq is-sharalar ótkizý;
• Halyqqa qyzmet kórsetý ortalyqtaryna arnaıy qosymshalar arqyly onlaın kezek alý (jumys ýaqyty 09:00-den 18:00-ge deıin);
• qoǵamdyq tamaqtaný oryndarynda adam sanyn 50-den asyrmaý;
• Saltanatty, mereıtoılyq, jıyn is-sharalardy ótkizýge tyıym salý.

Qaýlynyń tolyq nusqasymen tanysyńyz