Toqaev sý qaýipsizdigin zertteýdiń mańyzdylyǵyn aıtty

Memleket basshysy "Geografııa jáne sý qaýipsizdigi ınstıtýty" AQ basqarma tóraǵasy Ahmetqal Medeýdi qabyldady. Bul týraly akorda.kz habarlady. 

Qasym-Jomart Toqaevqa ǵylymı ortalyqtyń negizgi baǵyttary men ony damytýdyń basymdyqtary jaıynda baıandaldy.

Ahmetqal Medeý prezıdentke ınstıtýttyń sý qaýipsizdigin, tabıǵı qaterlerdi, ekologııa men kartografııa baǵyttaryndaǵy zertteý jumystary týraly málimet berdi.

Memleket basshysy Aral teńizi, Syrdarııa jáne Jaıyq ózenderi, sondaı-aq basqa da birqatar sý qoımalaryna qatysty problemalardy sheshý jolynda sý qaýipsizdigin zertteý máselesiniń mańyzdy ekenin aıtty.