• USD 468.56

  • EUR 497.56

  • RUB 7.3

  • CNY 67.18

28 Naýryz, 16:09:48
Almaty
+35°

Atyraý oblysynyń Jylyoı aýdanynda áleýmettik jelilerde oppozısııalyq belsendi jáne jýrnalıst Janbolat Mamaıdyń jazbasyna "laık" qoıǵan mektep muǵalimderi tekserýden ótken. Bul týraly aýdandyq bilim bólimi basshysynyń mindetin atqarýshy Gúljansary Tańatarovanyń mektep dırektorlaryna jazǵan hatynan belgili boldy, dep habarlady azh.kz saıty.

Saıt málimetinshe, hatta aýdan basshysy aldaǵy ýaqytta belsendiniń jazbasyna "laık" qoıýǵa jol bermeý úshin muǵalimderdiń áleýmettik jelilerdegi paraqshasyna monıtorıng júrgizýdi tapsyrǵan. Sonymen qatar, ár aıdyń sońynda pedagogtarǵa monıtorıng boıynsha esepterdi ádisteme kabınetine tapsyrý mindettelgen.

Alaıda keıbir muǵalimder aýdannan kelgen hatqa narazylyǵyn bildirdi.

– Bul bizdiń abyroıymyzdy tómendetedi. Sondaı-aq pedagogtardyń quqyqtaryn shekteıdi, – deıdi muǵalim Janargúl Sharǵabaeva.

Janbolat Mamaıdyń ózi  muǵalimderge arnalǵan osyndaı eskertý hattar aýdandarda taralyp jatqanyn jáne bul aldaǵy májilis saılaýyna baılanysty ekenin habarlady.

Jylyoı aýdany ákimdiginiń baspasóz qyzmetiniń aıtýynsha, bul hat muǵalimderdiń abyroıyn túsirý úshin emes, usynys retinde jiberilgen.

"Atalǵan jaǵdaı boıynsha aýdan ákimi tóraǵalyǵymen onyń orynbasarlary men bólim bastyqtarynyń qatysýymen jınalys ótkizildi. Aıta ketý kerek, muǵalimder arasyndaǵy áleýmettik jelilerge monıtorıng júrgizý týraly hat paıdalanýshylardyń quqyqtaryn shekteý nemese qyzmetkerlerdiń abyroıyn túsirý úshin emes. Usynys retinde jiberildi. Alaıda memlekettik organdar arasyndaǵy aqparattyq hattarmen almasý prosesindegi kemshilikter úshin shara qoldanyldy. Resmı hattarda jeke tulǵalardyń aty-jóni kórsetilgeni úshin aýdandyq bilim bóliminiń bastyǵyna qatań sógis jarııalandy. Al aýdan ákiminiń orynbasary baqylaý durys júrgizilmegeni úshin sógis aldy" delingen baspasóz qyzmetiniń habarlamasynda.

Foto: azh.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir