Aǵymdaǵy jylǵy 19 qarashada Sybaılas jemqorlyqqa qarsy is-qımyl agenttiginiń tóraǵasy Alık Shpekbaev jumys saparymen Aqtóbe oblysyna keldi.  

Sapar barysynda ol Aqtóbe oblysynyń Hromtaý qalasyna taban tirep, Memlekettik kirister basqarmasynyń klıentke baǵdarlanýymen tanysty jáne Hromtaý aýdanynyń «Ashyq ákimdik» qyzmetin tekserdi. Alık Shpekbaev

Vedomstvo basshysy áleýmettik sala, TKSh jáne jer qatynastary máseleleri boıynsha ótinish bildirgen jergilikti azamattardy jeke qabyldady. Mysaly, kósheni jaryqtandyrý, ony abattandyrý, jumysqa ornalastyrý, baılanys qyzmetin jaqsartý, múgedek balaǵa járdemdesý jáne t.b. máseleler boıynsha ótinishter tústi. qamshy.kz

«Barlyq ótinishter jergilikti atqarýshy organdardyń jeke baqylaýyna alynyp, jaýapty tulǵalar bekitildi. Aýmaqtyq departamentke árbir ótinishti zerdelep, ony egjeı-tegjeıli qarap shyǵý týraly tapsyrma berildi», - dep atap ótti Alık Shpekbaev. Sondaı-aq, turǵyndar «bir tereze» qaǵıdaty boıynsha azamattarǵa jedel jáne kedergisiz qyzmet kórsetýge baǵdarlanǵan jergilikti servıstik ákimdiktiń jumysyn oń baǵalady.

Sondaı-aq, servıstik ákimdik janynda azamattardy jeke qabyldaý jáne keńester ótkizý úshin «Open Space» nysanyndaǵy kabınet bar. Onda «Adal kómek» jobasynyń jetekshisi Aıman Omarovanyń óńirge sapary aıasynda tegin zań kómegi uıymdastyryldy.  qamshy.kz

Hromtaý aýdanynyń «Ashyq ákimdigine» aǵymdaǵy jyldyń basynan barlyǵy 600-den astam ótinim hat, 500-den astam ótinish jáne ózge de saýaldar kelip tústi. Ákimniń jeke qabyldaýlary aıasynda 95 ótinish tústi. Budan basqa, Hromtaý aýdanynyń atqarýshy organdary tizilimge sáıkes memlekettik qyzmettiń 82 túrin kórsetedi. Jyl basynan beri 8000-nan astam qyzmet kórsetildi. Elektrondyq qyzmetterdi alý úshin ózine-ózi qyzmet kórsetý buryshtary da qarastyrylǵan.

«Memleket basshysy Q. Toqaevtyń bastamasymen qolǵa alynǵan «Halyq únine qulaq asatyn memleket» tujyrymdamasyn júzege asyrý aıasynda Agenttik azamattyq qoǵammen ózara is-qımyldy kúsheıtýde.

Memlekettik organdardyń ashyqtyǵy men aıqyndyǵyn arttyrýdyń tıimdi quraly – halyq aldynda qoljetimdilik pen esep berýdi qamtamasyz etý. Sondyqtan memlekettik apparat halyqpen múmkindiginshe jıi kezdesip, onyń muń-muqtajyn tyńdap, azamattardyń máselelerin jedel sheshýi kerek», - dedi Agenttik tóraǵasy.

Jalpy búgingi kúni Aqtóbe oblysynyń barlyq aýdandyq jáne qalalyq ákimdikterinde «Open Space» úlgisinde 15 servıstik ákimdik jáne 65 kabınet jumys isteıdi.

Hromtaý aýdanynyń birqatar mekemelerin aralaǵannan keıin Alık Shpekbaev aýdan jurtshylyǵy ókilderimen kezdesip, sybaılas jemqorlyqqa qarsy zańnamanyń novellalary, qol astyndaǵylardyń sybaılas jemqorlyǵy úshin basshylardyń derbes jaýapkershiligi jáne NQA sybaılas jemqorlyqqa qarsy saraptama júrgizýdiń jańa tetikteri týraly aıtyp berdi.

Sondaı-aq, «Protecting business and investments» bıznes pen ınvestısııalardy sybaılas jemqorlyqqa qarsy súıemeldeý boıynsha jobanyń iske asyrylý barysymen tanysý maqsatynda Sybaılas jemqorlyqqa qarsy qyzmet basshysy «Arm Wind» JShS jel elektr stansııasyna, «Ekoferma» JShS qulpynaı ósiretin jylyjaıǵa, «Aqtóbe» áleýmettik-kásipkerlik korporasııasy» AQ-ǵa jáne oblystyń basqa da birqatar kásiporyndaryna barýdy josparlap otyr.

 

 

 

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir