• USD 468.56

  • EUR 497.56

  • RUB 7.3

  • CNY 67.18

29 Naýryz, 18:27:19
Almaty
+35°

Armenııa astanasy Erevannyń táýelsizdik alańynda taǵy mıtıng ótti. Narazy toptyń talaby ózgergen joq. Olar premer-mınıstr Nıkol Pashınıannyń otstavkaǵa ketkenin qalaıdy. Bul týraly ria.ru habarlady. 

Pashınıan ketýi kerek, óıtkeni onyń jeńil-jelpi basqaratyn bıligi kezinde biz jaǵdaıdy ózgerte almaımyz. Bizdiń el endi eńsesin tikteı almaıtyn boldy, – dedi oppozısııalyq "Dashnaksýtıýn" partııasynyń ókili Gegam Manýkıan.

Aksııaǵa sársenbide  "Zańmen belgilengen tártipti buzatyn jıyndardy ótkizý jáne uıymdastyrý" baby boıynsha  arnaıy tergeý qyzmetine shaqyrylǵan oppozısııa jetekshileri qatysýda. Bul bap boıynsha eń joǵary úkim – eki aı kóleminde qamaýǵa alý.

Mıtıngke myńdaǵan adam keldi. Polısııa merzimdi túrde narazylyqty toqtatýǵa shaqyrdy, óıtkeni eldegi áskerı jaǵdaıǵa baılanysty mıtıngke tyıym salynǵan.

Buǵan deıin, Armenııa men Ázerbaıjan arasyndaǵy Taýly Qarabaq úshin bolǵan 44 kúndik soǵysta armıan kúshteri 2,3 myńnan astam áskerinen aıyrylǵany habarlanǵan. 10 qarasha kúni Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıǵan. Sol kelisim jasalǵan kúnnen bastap Armenııada narazylyqtar men qyzý pikirtalastar jalǵasyp keledi. 

"Qamshy" silteıdi
Ilmek sózder: Armenııa Pashınıan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir