"Kóshede kókpar tartý - qumarlyq". Kókparshynyń áńgimesi

Kókpar qazaqtyń qanyna sińgen ulttyq sport oıyndarynyń biri. Túrki tektes halyqtardyń arasynda keńinen tanylǵan bul oıynnyń erejesi sońǵy ýaqytta umytyla bastaǵan ba deımiz. Kóshede "kókpar" tartyp, turǵyndarǵa qaýip tóndirip júrgender jıiledi. Sondaı-aq Túrkistan oblysynda kásipker uıymdastyrǵan kókparda jylqylardyń qulap jatqanyna qaramaı, birin-biri taptap kete jazdaǵan jarys kópshiliktiń esinde shyǵar. Mundaı áreketter ulttyq oıynnyń mánin de, sánin de qashyrady. Biz búgin shynaıy kókpardyń erejesin naǵyz kókbarshy, Atyraý oblysy "Naryn" komandasynyń 2-nómirli oıynshysy Yntymaq Álipbaevtan suraý úshin Almaty oblysy Úshterek aýylyna bardyq.