Donald Tramp AQSh prezıdenti bolǵan sońǵy kúnderinde Irannyń ıadrolyq alańdaryna qarsy "ólim soqqysynyń" áskerı nusqalaryn qarastyrýda. Tramptyń nıetin AQSh-tyń tórt sheneýnigi "The New York Times" gazetine jarııa etti.

Tramp tórt juldyzdy generaldarmen jáne Maık Pompeomen Tegerannyń ıadrolyq derjavaǵa aınalý ambısııasyn toqtatatyn qadam jasaý týraly keńesken. Aq úıden ketip jatqan ákimshilik Irannyń aımaqtaǵy odaqtastaryna qarsy áskerı soqqylar jasaý týraly da oılastyrǵany habarlandy. Alaıda Trampqa keńesshileri mundaı qadam Taıaý Shyǵysta keń qaqtyǵys týdyrýy múmkindigin eskertken.

Tramptyń nıetin AQSh-tyń tórt sheneýnigi "The New York Times" gazetine jarııa etti. AQSh prezıdenti Iranǵa qarsy qatań sanksııalary Tegerandy kelissóz ústeline qaıta oralta almaǵanyna ashýlanǵan dep habarlandy.

Tramp Irannyń sýrrogat kúshterine soqqy berý josparlaryn jasaǵan. Qańtar aıyna deıin Tramptyń áskerı maqsatqa qol jetkizgisi keletini habarlanǵan. Bul jańalyq ıadrolyq baqylaýshylar Trampqa "Tegarannyń ıadrolyq materıaldar qory kóbeıdi" dep málimdegennen keıin paıda boldy. Sársenbide Iran BUU ınspektorlarynyń ıadrolyq alańǵa kirýine tyıym salǵannan keıin qosymsha jańalyqtar paıda boldy.

Nıý-Iork Taıms ıadrolyq belsendiliktiń dálelderin kórsetken. Halyqaralyq atom energııasy agenttigi MAGATE sársenbide Natans ıadrolyq mekemesinde ýran qory ıadrolyq kelisimmen ruqsat etilgennen 12 ese kóp bolǵanyn málimdedi.

 

"Qamshy" silteıdi
Ilmek sózder: Tramp Iran

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir