18 Qarasha, 2020 Barlyq aımaqtar

Jańa Zelandııa polısııasy hıdjap formany tanystyrdy

Jańa Zelandııa polısııasy musylman áıelderge arnalǵan forma daıyndaýdy 2018 jyly bastaǵan.

Foto: Instagram/New Zealand

Jańa Zelandııa polısııasy oramal tartatyn musylman áıelderge arnalǵan jańa formany tanystyrdy, dep habarlaıdy Qamshy.kz aqparat agenttigi BBC-silteme jasap.

Konsteıbl Zaına Alı (Constable Zeena Ali)  jumysqa jaqynda qabyldandy. Ol jańa formany kıetin birinshi ofıser bolmaq. Buǵan deıin de birneshe elde hıdjap forma jasaý usynylǵan. Máselen, 2006 jyly Brıtanııada London polısııasy hıdjap formasyn jasaýdy usyndy. 2004 jyly Aýstralııada Maha Shýhar (Maha Sukkar) jumysqa hıdjap kıgen.

Jańa Zelandııa polısııasy musylman áıelderge arnalǵan formany daıyndaýdy 2018 jyly bastaǵan. Konsteıbl Zaına Alı hıdjapty forma retinde bekitýdi suraǵan jáne ony daıyndaý jumysyna qatysqan.

Konsteıbl Zaına Alı Fıdjıde dúnıege kelgen. Bala kezinde Jańa Zelandııaǵa ata-anasymen kóship kelgen. Zaına shirkeýdegi terrorlyq áreketten keıin polısııada jumys isteýge bel býady.

– Adamdarǵa qoldaý bildirý úshin polısııada musylman áıelderdiń qatary kóbeıýi qajet. Jańa Zelandııa polısııasynyń hıdjap formasymen jumys isteýi – ǵanıbet. Musylman áıelder buny kórgennen keıin polıseıler qataryna qosylǵysy keledi dep oılaımyn, – deıdi Zaına.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir