Májilis pen máslıhattar depýtattaryn saılaýda partııalar emes qazaq tili jeńiske jetýge tıis. Bul týraly "Qazaq ádebıeti" gazetiniń bas redaktory Dáýren Qýat aıtty, dep habarlady QazAqparat.

– Álemde bizden basqa elde memlekettik til nemese til týraly másele joq. 175 elde resmı til moıyndalady eken. "Resmı til" dep jergilikti til aıtylady. Al tabıǵaty, tarıhy boıynsha orys tili – resmı til emes. Basqa elder óziniń quramyndaǵy elderdiń tilderi joıylyp ketpes úshin qamqorlyq jasaıdy. Solarǵa zańmen kómek kórsetedi. Al biz áli kúnde ózimizdiń tilimizdi osyndaı resmı jıyndarda moıyndata almaı kelemiz. Tipti, ózgege emes ózimizge ózimiz moıyndata almaı otyrmyz. Muny toqtatý kerek, – dedi ol "Aýyl" halyqtyq-demokratııalyq patrıottyq partııasynyń kezekten tys XVIII sezinde.

Sonymen qatar ol aldaǵy májilis pen máslıhattar depýtattaryn saılaýda qazaq tili jeńiske jetýge tıistigin basa aıtty.

– Saılaýǵa barlyq partııa atsalysyp jatyr. Bári jeńiske jetkisi keledi. Menińshe, bul saılaýda qazaq tili jeńiske jetýi kerek. Zań shyǵarýshy organǵa qazaq tili barýǵa tıis,  – dedi Dáýren Qýat.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir