18 Qarasha, 2020 Mádenıet
Foto: ashyq derekkóz
Qobyzshy, sazger Smataı Úmbetbaev qaıtys boldy. Bul týraly ánshi, ónertanýshy Erlan Tóleýtaı facebook paraqshasynda jazyp, marqumnyń jaqyndaryna kóńil aıtty.
– Qobyz sońǵy qonǵan kósheli ónerpaz Smataı edi. Biraq Smataıdyń qadirin qazaq bilgen joq. Táńirdiń tili túgili óz tilin umytyp bara jatqan baıǵus qazaq qaıdan bilsin!.. Smataı ómirden jylap ketti... О́z zamanynda týmaǵan baqsyz talant, bapsyz daryn er Smataı-aı, ónerińniń qunyn kimnen daýlaımyn, eseńdi kimnen alamyn! Eleýsiz ótken esil erim-aı!
Baqul bol, Smataı seri! Qosh bol, Qobyz dáýiriniń aqyrǵy perzenti, Qorqyttyń sońǵy tuıaǵy!
Nadan moldanyń ýly ýaǵyzymen ýlanǵan alash balasy Smataı óldi dep joqtaı qoımas, tym qurymasa sen jyla Tama jurty, qara qobyzdyń áýelgi ıesi sender edińder ǵoı...., – dep jazdy Erlan Tóleýtaı.
Smataı Úmbetbaev 1947 jyly Jańaarqa aýdany Túgisken aýylynda týǵan. Qobyzshy, sazger, el ishinen shyqqan erekshe daryn. Qobyz tartýdy óz betimen úırengen. 1968 jyly Jańaarqa aýdanyndaǵy shopandar toıynda, 1972 jyly Jambyldyń 125-jyldyq toıynda kózge túsip, Almaty memlekettik konservatorııasyna qabyldandy. Qobyzshy Dáýlet Myqtybaevtan 4 jyldaı dáris alady. Qazaqkonsertte, Jambyl atyndaǵy fılarmonııada (1979 jyldan) qobyzshy bolyp isteıdi. Portýgalııa, Japonııa t.b. elderde óner kórsetedi. Sonymen qatar, S.Úmbetbaev qobyz, dombyra jasaıtyn sheber. "Jaınaǵan ólke", "Bir qalqa" t.b. kúılerdiń avtory.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir