• USD 468.56

  • EUR 497.56

  • RUB 7.3

  • CNY 67.18

29 Naýryz, 09:50:36
Almaty
+35°

"Eger Djo Baıden alda kele jatqan apatty toqtatý úshin jedel áreket etpese, Qytaı men AQSh jappaı soǵysqa túsýi múmkin" dep eskertti AQSh-tyń burynǵy joǵarǵy sheneýnigi.

Qyrǵı-qabaq soǵys kezinde Amerıkanyń syrtqy saıasatynda kórnekti ról atqarǵan, burynǵy memlekettik hatshy Genrı Kıssındjerdyń aıtýynsha, qazirgi ýaqytta eki tarap birinshi dúnıejúzilik soǵysqa uqsas qaqtyǵysqa bet alýda. Kıssındjer qazirgi kezde áskerı tehnologııalarǵa baılanysty kez kelgen janjaldy baqylaý múmkin bolmaıtynyn eskertti. Ol sondaı-aq Donald Trampty Qytaımen qarym-qatynasty buzǵany úshin jáne Sı Szınpınmen dıplomatııasynyń tómen deńgeıi úshin synǵa aldy.

Kıssındjer saılanǵan prezıdent Djo Baıdenniń aldynda qazir baılanystardy qalpyna keltirý jáne eki jaq arasyndaǵy qaqtyǵys yqtımaldyǵyn toqtatý sekildi mańyzdy mindet turǵanyn eskertti.

Bloomberg-tiń Jańa Ekonomıkalyq Forýmynda sóılegen sózinde ol "Eger qandaı-da bir yntymaqtastyq árekettiń negizi bolmasa, álem birinshi dúnıejúzilik soǵyspen salystyrýǵa bolatyn apatqa túsip ketedi. Amerıka men Qytaı qazir qarama-qaıshylyqqa barady jáne olar óz dıplomatııalaryn teketires tásilmen júrgizip jatyr. Qaýipti nárse – budan rıtorıkadan tys naqty áskerı qaqtyǵysqa ulasatyn keıbir daǵdarys paıda bolady" dedi AQSh-tyń burynǵy memlekettik hatshysy.

Kıssındjer "Qytaıdyń álemdik ekonomıkanyń negizgi bóligine ıe ekenin Djo Baıden erekshe atap kórsetkeni durys" dep málimdegenimen, ol jańa dıplomatııalyq kózqaras qajet ekenin aıtyp sendirdi.

Ol sondaı-aq eki tarap qarym-qatynastaǵy erozııaǵa qaramastan kez kelgen áskerı qaqtyǵystardy boldyrmaýǵa kelisim berý kerektigin atap ótti.

Ol taǵy da "Qurama Shtattar men Qytaı buryn-sońdy ózimen deńgeıles elmen kezdesken emes. Bul – birinshi tájirıbe. Biz onyń janjalǵa aınalyp ketýine jol bermeýimiz kerek jáne keıbir birlesken is-áreketterge ákelýimiz kerek" dedi.

"Qamshy" silteıdi
Ilmek sózder: Qytaı AQSh

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir