Bilim jáne ǵylym mınıstri Ashat Aımaǵambetov bilim salasynda birqatar ózgeristerdiń bolatynyn málimdedi. Bul týraly ol Facebook paraqshasynda jazdy.

"Biz kitaphanashylardyń mártebesin arttyrý, olardyń eńbekaqysyn kóterý jáne jumysynyń jańa talaptarǵa saı bolýyn qaıta qarastyryp jatyrmyz. Olardy pedagogıkalyq kadrlar sanatyna engizý boıynsha bastamany kóterdik. Kitaphana zamanaýı jabdyqtalyp, bala úshin yńǵaıly ári qyzyqty bolýy kerek. Oqýshy onda kitap oqýmen qatar netvorkıng nemese shyǵarmashylyq damý daǵdylaryn ıgere alýy qajet" deıdi mınıstr.

Onyń sózinshe, búgingi tańda kóptegen mektep kitaphanalarynyń jumys formaty eshqandaı syn kótermeıdi.

"Qazirgi jastardyń kóbi aqparatty sıfrlyq tehnologııalar arqyly paıdalanatynyn eskere otyryp, biz aldaǵy ýaqytta kitaphanalardy sıfrlandyrýdy josparlap otyrmyz.

Osyǵan baılanysty, kórkem ádebıettiń elektrondy nusqalaryn Internet jáne mobıldi qosymshalar arqyly qoljetimdi etý qajet. Mundaı jobalar qazirdiń ózinde bar. Olardyń avtorlarymen birigip jumys istemekpiz. Sondaı-aq, biz geımıfıkasııa elementterin qoldanýdy josparlap otyrmyz.

Men atap ótken mindetterdi sheshý tek mektepterdiń ǵana emes, sonymen qatar ata-analardyń da ýaqytyn jáne kúsh-jigerin talap etedi. Sondyqtan bul jumysty olar qoldaıdy dep úmittenemin.

Bilim jáne ǵylym salasyna qarasty 7096 kitaphana jumys isteıdi. Mektepterde – 6461, kolledjderde – 579, joǵary oqý oryndarynda – 56, sondaı-aq Respýblıkalyq ǵylymı-pedagogıkalyq kitaphana jumys isteıdi. Al bilim berý uıymdaryndaǵy jalpy kitap qory – 267 325 289. Sany, árıne, kóńil kónshiterlik.

Degenmen olardyń qanshasy kórkem ádebıet? Sol kórkem ádebıettiń qanshasy qazaq tilinde? Mektep kitaphanalary jańa kitaptarmen qanshalyqty jıi tolyqtyrylady? E. Berroýz, A. Azımov, M. Tven, J. Vern jáne basqa avtorlardyń eńbekteri qazaq tiline aýdarylǵan ba?

Bul turǵyda aıtarlyqtaı problemalar bar" dedi Aımaǵambetov.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir