Foto: Janbolat Aǵadildiń paraqshasynan

Jýrnalıst Mıhaıl Kozachkov telegram-da azamattyq belsendi Dýlat Aǵadildiń uly Janbolat Aǵadildiń qazasyna baılanysty istiń barysy týraly aqparat jarııalady. Aqparattyq habarlamada adam ólimine soqtyrǵan jaǵdaıdyń barysy baıandalǵan.

Jýrnalıst Mıhaıl Kozachkovtyń telegram-daǵy jazbasynyń skrınshoty

Aqparatta 2020 jylǵy 6 qarashada Nur-Sultan qalasy Kóktal yqshamaýdany Bolashaq kóshesi №28 úıdiń mańynda Á.A.Amanjolov pen A.E.Jumaqan ortaq tanystary D.S.Glasheva úshin sózge kelip qalǵany jazylǵan.

"Osy kúni saǵat 23 shamasynda Aqmola oblysy Selınograd aýdany Talapbek aýylyndaǵy "SinOil" janarmaı quıý beketi mańynda Á.A.Amanjolov jáne onyń dostary D.J. Qallımov, D.S.Baýhan, I.M.Smaǵulov kıkiljiń boıynsha S.E.Asbolat, A.E.Jumaqan jáne M.A.Sadyqpen kezdesken. Shamamen 25 mınýttan keıin atalǵan jerge J.D.Aǵadilov kelgen.

Kezdesý kezinde Á.A.Amanjol E.A.Jumaqannan keshirim surap, janjal osymen sheshilgen.

Alaıda qarashanyń 11 kúni Á.A.Amanjoldyń synyptasy F.Sagıtov "VKontakte"-degi ortaq topqa S.E.Asbolatpen ınstagramda bolǵan ekeýara áńgimeniń skrınshotyn jarııalaǵan. Ol jerde 6 qarashada "Á.A.Amanjol kezdesýde jylap, keshirim surady" delingen. Bul Á.A.Amanjol synyptastaryn ashýlandyrǵan.

Sol kúni saǵat 17 shamasynda Á.A.Amanjolov aradaǵy janjal boıynsha S.E.Asbolatpen Bolashaq kóshesi boıyndaǵy №28 úı jaqta kezdespek bolǵan. Eki tarap ta tanys balalaryn ákeletinin aıtqan.

21:30-da belgilengen jerde Á.A.Amanjolov jaǵynan 25 adam (onyń ishinde Janbolat Aǵadil de bar) S.E.Asbolat jaqtan kelgen 7 adammen kezdesken. Kezdesý tóbeleske ulasyp, Á.A.Amanjolov S.E.Asbolattan alǵan soqqydan esinen tanyp qalǵan. Esin jıǵanda sol qolynda pyshaq ustap, ózine tónip kele jatqan S.E.Asbolatty kórgen. Á.A.Amanjolov qoryqqanynan qashqan. Qashar aldynda ústine qan juqqan J.D.Aǵadilovtyń jerde jatqanyn kórgen.

Kámiletke tolmaǵan 2003 jylǵy I.Smagýlovtan alynǵan jaýapqa sáıkes, S.E.Asbolat Amanjoldy uryp, sońǵysy qashqannan keıin, О́.S.Rahmet J.D.Aǵadilovtyń denesin pyshaqpen soqqylaǵanyn, Aǵadilovtyń jerge qulaǵanyn kórgen. Artynsha О́.S.Rahmet I.Smaǵulovqa qaraı júgirgen. Sondaı-aq A.E.Jumaqannyń qolynan pyshaq kórgen.

Janjal qatysýshylaryna qatysty sot-medısınalyq saraptama júrgizilip, tóbeles kezinde ustaǵan zattar alynǵan.

Janbolat Aǵadilov tarapynan 8 adamnan (Á.A.Amanjolov, S.Nyǵmet, I.Smaǵulov, D.Qallımola, F.Saǵıtov, R.Amangeldınov, A.Botaev, S.Keńesbek)  jaýap alynǵan. Olardyń bári Talapker aýylynyń turǵyndary.

Kúdikti jaqtan 7 adamnan (E.E.Sadyhan, S.Asbolat, M.A.Sydyq, O.A.Ashat, Qurmet Maqpal, ustalmaǵan О́.S. Rahmet jáne A.E.Jumahan) jaýap alynǵan.

Aqparattyq habarlamada boıynsha jábirlenýshi taraptyń bergen jaýabyna sáıkes, qarsy jaqtan janjalǵa belsendi qatysty delingen О́.S.Rahmet pen A.E.Jumaqannyń tusyndaǵy ustalmaǵan degen jazý, qalammen ustalǵan degenge ózgertilgen.

"Keldirilgen derekke negizinde 293-baptyń 3-bólimi (pyshaq qoldaný arqyly bir top adam jasaǵan buzaqylyq), 99-baptyń 2-bólimi (buzaqylyq áreketen týǵan adam ólimi) boıynsha eki qylmystyq is tirkelgen" delingen habarlamada.

1

2

3

11 qarashada kúni Nur-Sultanda azamattyq belsendi Dýlat Aǵadildiń uly Janbolat Aǵadildi pyshaqtap óltirip ketkeni habarlandy.

Máıitti kórýge kirgen marqumnyń aǵasy Tańat Jalmaǵambetov  Janbolattyń denesinen pyshaq jaraqatynyń izderin kórgenin aıtqan

12 qarashada ishki ister mınıstrligi tergeý departamenti Janbolat Aǵadildiń ólimine qatysy bar delingen kúdiktiler ustalǵanyn málim etti.

Artynsha áleýmettik jelide Janbolat Aǵadilge "tóbeles kezinde abaısyzda pyshaq urdym" degen adamnyń vıdeosy taraǵan. Uzamaı vıdeodaǵy adam shynymen de kúdikti ekeni anyqtalǵan. Alaıda kúdiktiniń múgedek anasy "balasyna tanystary jala jaýyp otyr" dep sanaıtynyn aıtqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir