• USD 468.56

  • EUR 497.56

  • RUB 7.3

  • CNY 67.18

28 Naýryz, 16:46:36
Almaty
+35°

Bilim jáne ǵylym mınıstri Ashat Aımaǵambetov oqý saýattylyǵyndaǵy birqatar máselelerdi atady. Bul týraly ol Facebook paraqshasynda jazdy.

Ol óz sózinde básekege qabiletti ári qazirgi qoǵamda ózara baılanys ornata biletin tulǵa bolyp qalyptasý úshin kitap oqýǵa degen qushtarlyqtyń áseri mol ekenin atap aıtty.

"Kitap oqý saýattylyǵy deńgeıin anyqtaý maqsatynda álemniń kóptegen elderi OECD jáne IEA syndy halyqaralyq salystyrmaly zertteýlerine qatysyp, nátıjelerin qoldanady. 

PISA zertteýleriniń nátıjeleri boıynsha Qazaqstan oqýshylary oqý saýattylyǵy boıynsha Ekonomıkalyq yntymaqtastyq jáne damý uıymyna múshe elderindegi óz qatarlastarynan edáýir artta qalyp otyr.

PIAAC halyqaralyq zertteýiniń qorytyndysy boıynsha elimizdegi 16-dan bastap 55 jasqa deıingi azamattardyń da oqý saýattylyǵy nashar bolyp shyqty" dedi mınıstr.

Onyń aıtýynsha, eldegi eresek azamattardyń da oqý saýattylyǵy tómen deńgeıde.

"Bul – búgin ǵana belgili bolǵan problema emes, jyldar boıy qordalanǵan másele. Bizdiń balalarymyz kitapty oqýǵa kelgende jalqaýlyq tanytatyny bir bólek, keıde oqyǵan mátindi nashar túsinip, durys qabyldaı almaıdy. Oǵan qosa taldaý jáne qorytyndy jasaý daǵdylary da aqsap tur" dedi ol.

Osylaısha ol ulttyń básekege qabilettiligine áser etetin úlken problema ekenin basa aıtty.

"Sondyqtan da Ulttyq qoǵamdyq senim keńesiniń otyrysynda Memleket basshysy Qasym-Jomart Toqaev ultymyzdyń oqýǵa qushtarlyǵyn arttyrý úshin tıisti sharalardy qabyldaýdy tapsyrdy. Ol úshin bala mektep jasynan bastap kórkem ádebıetti oqýǵa umtylýy qajet. Biz osy maqsatta jaǵdaı jasaýǵa mindettimiz" dep atap aıtty Ashat Aımaǵambetov.
  

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir