Taýarlar men qyzmetterdiń sapasy men qaýipsizdigin baqylaý departamentiniń basshysy – Pavlodar oblysynyń memlekettik bas sanıtar dárigeri Batyrbek Álıev prezıdent Qasym-Jomart Toqaevtyń koronavırýs ınfeksııasy faktilerin jasyrý týraly sózderin joqqa shyǵardy, dep habarlady KazTag agenttigi.

Agenttik málimetinshe, Pavlodar oblysynyń memlekettik bas sanıtar dárigeri koronavırýs ınfeksııasyna qatysty derekterdi jasyrmaǵanyn aıtty.

– Biz derekterdi jasyrmadyq dep naqty aıta alamyn. Munyń bárin qarasha aıynyń basynda taldadyq. Bizde qazan aıynda zerthanalarmen jáne medısınalyq-sanıtarlyq alǵashqy kómek esepke alǵan jáne eskermegen jaǵdaılarmen shamaly sáıkessizdikter boldy. Statıstıkada 50-ge jýyq jaǵdaıdyń aıyrmashylyǵyn anyqtadyq. Barlyq osy jaǵdaı boıynsha epıdemııaǵa qarsy is-sharalar ýaqytyly júrgizildi, jyldam baılanys ornatyldy. Qazir bul jaǵdaılardyń barlyǵy esepke alynyp, jalpy statıstıkaǵa engizilgen. Búgingi tańda Sovid-19 boıynsha esepke alý jáne tirkeý jolǵa qoıylǵan. Zerthanalarmen kúndelikti monıtorıngte salystyryp tekserý júrgizilýde, – dep málimdedi Álıev seısenbi kúngi brıfıngte.

Ol sondaı-aq KVI aýrýynyń árbir jaǵdaıy boıynsha naýqastyń úıine barý qarastyrylǵanyn, saýalnama derekteri jınalatynyn, sımptomnyń bar-joǵy jáne sońǵy ýaqytta naýqastyń kimmen baılanysta bolǵany anyqtalatynyn habarlady.

– Bizdiń mamandarymyzdyń birinshi tolqynnan tájirıbesi bar, barlyǵy statıstıkada kórsetiledi, – dedi Álıev.

Eske salsaq, 16 qarasha kúni prezıdent Qasym-Jomart Toqaev úkimet múshelerimen, birqatar organ basshylarymen, qalalar men oblystardyń ákimderimen vıdeokonferensııa rejıminde keńes ótkizgen. Keńeste memleket basshysy keıbir oblystardyń koronavırýs indetine qatysty jasyrý derekteri bolǵanyn aıtty.

– Birqatar oblystarda koronavırýs indetine qatysty jańa jaǵdaılardy jasyrý derekteri anyqtaldy. Áńgime Shyǵys Qazaqstan,  Soltústik Qazaqstan, Pavlodar,  Aqmola,  Qostanaı jáne basqa da oblystar jaıynda bolyp otyr. О́tirikti shyndaı sóıletý asa qaýipti qubylys ekenin túsiný kerek. О́ıtkeni ol shynaıy qaýiptiń betin búrkemeleıdi, – dedi Toqaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir