Ipotekany rásimdeý prosesi ózgeredi

Búgin Úkimet otyrysynda ıpotekany rásimdeýdiń kúrdeli prosesin blokcheın tehnologııasymen almastyrý máselesi sóz boldy. Bul týraly sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın óziniń Facebook paraqshasynda jarııalady. 

 

"Ipotekaǵa páter satyp alǵanda, kepildi tirkeý qajet. Búginde tańda, bankten qujattaryn alyp, olardy HQKO-ǵa usyný qajet. 3 jumys kúnnen keıin HQKO-dan qujattardy alyp, olardy qaıtadan bankke keri qaıtarý kerek. Sodan keıin ǵana ıpoteka beriledi.

 

Rásimdeý kezindegi bıýrokratııany sheshý úshin Blockchain tehnologııasyn qoldandyq. Osy kúrdeli proses tek synaq formatynda avtomattandyryldy. Bul bizge qandaı múmkindikterdi berdi? Ipotekany resimdeý merzimderin qysqartý jáne klıent derekteriniń saqtalýy. Mundaı jobalar basqa banktermen de iske asyrylatyn bolady jáne qurylys kompanııalary da osy tehnologııaǵa qyzyǵýshylyq tanytyp, proseske tartylady dep úmittenemiz.

 

Sondaı-aq avtokólikti satyp alý-satý prosesin ózgerttik. Avtokólikti tirkeý onlaın rejıminde qoljetimdi bolǵanyna qaramastan, azamattar Mamandandyrylǵan HQKO-ǵa tikeleı kelip, birneshe ýaqytyn jumsaýda. Mamandandyrylǵan HQKO-larǵa jyl saıyn 3 mln astam azamattar júginedi. Uzaq qatarly kezekter paıda bolady.

 

Biz engizgen jańa prosess – bazada satyp alýshy aqshany satýshy avtomobıldiń shotyna aýdarǵannan keıin birden avtokólik ıesin ózgertýge múmkindik beredi. Barlyq máselelerdi jedel pysyqtaǵany úshin IIM áriptesterine alǵys aıtqym keledi. Búgin ǵana osyndaı yńǵaıly servıs pılottyq rejımde Kaspi.kz qosymshada qoljetimdi"  dep jazdy Baǵdat Mýsın.