Foto: Nur Otan partııasynyń baspasóz qyzmeti

Oblystyq konferensııalar barysynda májiliske Nur Otan-nyń partııalyq tizimine taǵy 5 óńirden úmitkerler anyqtaldy. Sondaı-aq tıisti oblystyq saılaýaldy baǵdarlamalary bekitilip, partııanyń XX Sezine qatysý úshin delegattar saılandy.

Partııa Ortalyq apparatynyń baspasóz qyzmeti habarlaǵandaı, pikirsaıys qorytyndysy boıynsha oblystyń ókildik kvotasyna sáıkes, Aqtóbe, Shyǵys Qazaqstan, Qostanaı, Batys Qazaqstan jáne Túrkistan oblystarynan partııalyq tizimge 24 adam engizildi.

Foto: Nur Otan partııasynyń baspasóz qyzmeti

Máselen, Túrkistan oblysynda 7 oryndyq kvotaǵa 23 adam úmitker boldy. Nátıjesinde kásipker Qaınar Abasov eń kóp – 127 daýys jınady. Ol 120 daýysqa ıe bolǵan májilistiń qyzmettegi depýtaty Qudaıbergen Erjandy basyp ozdy. Sonymen birge, daýys berý qorytyndysy boıynsha tizimge bıznes ókili Syrym Ertaev, mádenıet salasynyń ókili Móldir Baqytjanova, memlekettik qyzmetshi Gúljan Qurmanbekova, jeke sektor ókili Haırýlla Qojabaev jáne medısına qyzmetkeri Uljanat Jurymbetova endi.

Shyǵys Qazaqstan oblysynda pikirsaıys qorytyndysy boıynsha birinshi oryndy kásipker Luqbek Tumashınov ıelendi. L.Tumashınovtan 4 daýys az jınaǵan densaýlyq saqtaý salasynyń ókili Zarına Qamasova ekinshi orynda. Al úshinshi orynda – partııanyń Kýrchatov qalalyq fılıalynyń tóraǵasy Alekseı Glazınskıı. Budan basqa tizimge Rıdder qalalyq máslıhatynyń hatshysy Igor Panchenko, jeke sektor ókili Marına Bykova jáne bilim berý salasy ókili Azat Sarpekov endi.

Aqtóbe oblysynda ótken pikirsaıys qorytyndysy boıynsha birinshi oryndy Grek-rım, erkin jáne áıelder kúresi aımaqtyq federasııasynyń basshysy Rahat Sydyqov ıelendi. Odan keıingi orynǵa 96 daýyspen memlekettik qyzmetshi Amanǵalı Berdalın jaıǵasty. Sondaı-aq, tizimge densaýlyq saqtaý salasynyń ókili Ǵalymjan Eleýov pen jasotandyq Asyljan Búrkitalın kirdi. Qostanaı oblysynda pikirsaıys qorytyndysy boıynsha tizimge engender: kásipodaqtar birlestiginiń tóraıymy Ekaterına Smyshlıaeva, jeke sektor ókilderi Samat Aqyshev pen Qyrmyzy Jańbyrshına jáne Adılıa Agaısına.

Batys Qazaqstan oblysynda 15 úmitker baq synady. Nátıjesinde partııalastarynyń eń kóp qoldaýyna ıe bolǵan oblystyq máslıhat hatshysy Málik Qulshar, bilim berý jáne densaýlyq saqtaý salalarynyń ókilderi Jańabek Jaqsyǵalıev pen Sabıra Súndetova úzdik úshtikke kirdi.

Aıta keteıik, buǵan deıin májilistiń partııalyq tizimine elorda, Almaty, Shymkent qalalary men Almaty, Qyzylorda jáne Qaraǵandy oblystarynan kandıdattar saılanǵan bolatyn. Qorytyndy tizim 25 qarashada partııanyń XX Sezinde bekitiledi.

Buǵan deıin barlyq deńgeıdegi 216 máslıhatqa 6253 adamnan turatyn partııalyq tizimder jasalǵany aıtylǵan bolatyn.

Áıelderdiń úles sany 22-den 34%-ke deıin, jastar – 3,5 ese, 7-den 24%-ke deıin artty. Qazirgi qyzmet etip otyrǵan máslıhattardyń quramymen salystyrǵanda ortasha jasy 7 jasqa – 51-den 44-ke deıin jasardy.

Partııalyq tizimderdiń 24%-in qyzmettegi depýtattar quraıdy, al 76%-i – jańa tulǵalar. Sonymen qatar partııa qataryna 42 myńnan astam jańa múshe qosyldy. Olardyń 1000-nan astamy partııaishilik saılaýǵa qatysyp, árbir 3-shisi «Nur Otan»-nyń partııalyq tizimine endi.

Elektrondy daýys berýdiń nátıjelerin jáne kandıdattar tizimin primaries.kz. saıtynan qaraýǵa bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir