Armenııanyń prezıdenti Armen Sarkıssıan premer-mınıstr Pashınıannyń qyzmetinen ketýine jáne merziminen buryn saılaý ótkizýge shaqyrady. Bul týraly bbc.com habarlady. 

– Menimen kezdesýge qatysýshylardyń basym kópshiligi bir ǵana máselemen keledi. Kóbi premer-mınıstr Nıkol Pashınıannyń qyzmetinen ketýi ne ókilettiliginiń toqtatylýy jaıyn qozǵap, konstıtýsııaǵa sáıkes merziminen buryn saılaý ótkizý jaıly usynystaryn aıtty, – dep "Armenpress" basylymy prezıdent sózin jetkizdi.

Armenııa úkimeti prezıdenttiń sózine áli jaýap qatqan joq.

Armenııa – prezıdent tikeleı saıasatqa qatyspaıtyn, biraq memleket basshysy jáne konstıtýsııanyń kepili bolatyn parlamenttik respýblıka.

Buǵan deıin, Armenııa men Ázerbaıjan arasyndaǵy Taýly Qarabaq úshin bolǵan 44 kúndik soǵysta armıan kúshteri 2,3 myńnan astam áskerinen aıyryldy. Sóıtip, 10 qarasha kúni Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıdy. Sol kelisim jasalǵan kúnnen bastap Armenııada narazylyqtar men qyzý pikirtalastar jalǵasyp keledi. 

"Qamshy" silteıdi
Ilmek sózder: Armenııa Pashınıan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir