"Koronavırýs Qytaıdan Italııaǵa 2019 jyldyń qyrkúıek aıynan bastap taraǵan bolýy múmkin" dedi ıtalııalyq ǵalymdar.

Mılandaǵy Ulttyq onkologııalyq ınstıtýtta júrgizilgen jańa zertteýler "Kovıd-19 Eýropada resmı túrde alǵash tirkelgennen birneshe aı buryn bolǵan bolýy múmkin" dep boljaıdy.

Al, Dúnıejúzilik densaýlyq saqtaý uıymynyń habarlaýynsha, aýrý alǵash ret jeltoqsan aıynda Qytaıdyń Ýhan qalasynda baıqalǵan.

Italııada koronavırýstyń alǵashqy oqıǵasy Lombardııada 21 aqpanda tirkeldi. Biraq zertteý júrgizgen ǵalymdar ótken jyldyń qyrkúıek aıynan bastap qan úlgilerinen patogendi baıqaǵan. Olar zertteý "pandemııanyń tarıhyn ózgertýi múmkin" dep habarlady.

Zertteý "Tumori Journal" ǵylymı jýrnalynda jarııalanǵan.

Onda belgileri joq 1000-ǵa jýyq adamnyń qan úlgileri saraptama jasalǵan.

Testke qatysýshylar 2019 jyldyń qyrkúıek aıynan bastap 2020 jyldyń naýryzyna deıin Mılanda ótkizilgen qaterli isik aýrýlarynyń eriktileri boldy.

Zertteýler kórsetkendeı, pasıentterdiń 11 paıyzdan astamynda "SARS-CoV-2" shtammyna koronavırýstyq antıdeneler túzilgen, onyń 14 paıyzy 2019 jyldyń qyrkúıeginde berilgen qannan alynǵan.

"Qamshy" silteıdi
Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir