Qostanaıda karantındik shekteý sharalary kúsheıtiledi. Bul týraly oblys ákimi Arhımed Muhambetov málimdedi. 

– Keıbir kásipkerlik sýbektileri engizilgen shekteý sharalaryna qaramastan bas sanıtar dárigerdiń qaýlysyn óreskel buzýy oblystaǵy epıdemıologııalyq jaǵdaıdyń nasharlaýyna ákep soǵady. Osyǵan baılanysty jedel shtab bir apta merzimge qosymsha shekteýler engizý týraly sheshim qabyldady, – dedi ol.

Jedel shtab kelesi sharalardy qabyldaýǵa sheshim qabyldady:

  • jabyq sport nysandarynyń jumysyna tyıym salý;
  • qoǵamdyq tamaqtaný oryndarynda bir ústel basynda 4 adamnan artyq bolmaýǵa ruqsat etiledi. Alyp ketý jáne jetkizý jumystary 22:00-ge deıin shektelgen;
  • qala syrtyndaǵy jol boıyndaǵy servıs qoǵamdyq tamaqtandyrý pýnktterine ýaqyt boıynsha ózimen alyp ketýge jáne jetkizýge ǵana jumys isteýge ruqsat etilgen;
  • basseınderdiń, onyń ishinde monshalar men saýnalardyń jumysyna tyıym salynady;
  • saýnalar men monshalardyń jumysy 9:00-den 19:00-ge deıin shektelgen;
  • sanatorııler men demalys bazalarynyń jumysy toqtatyldy;
  • demalys jáne mereke kúnderi avto jáne aýyl sharýashylyǵy tehnıkalaryna arnalǵan qosalqy bólshekterdi satatyn dúkenderdiń jumysyna tyıym salynady;
  • medısınalyq-áleýmettik salanyń jumysy karantın rejımine aýystyrylady;
  • balalar seksııalarynyń, úıirmeler men fakýltatıvterdiń jumysyna tyıym salynady;
  • profılaktıkalyq egýlerden basqa, josparly skrınıngter kórsetý toqtatylady;

Sondaı-aq oblys ákimi halyqtyń tynys-tirshiligin qamtamasyz etý uıymdarynyń qyzmetkerlerinen basqa, medısınalyq kórsetkishter boıynsha ketetin adamdarǵa, tranzıttik jolaýshylar men avtotasymaldaýshylarǵa oblys aýmaǵyna jáne Qostanaı men Rýdnyı aýmaǵyna kirýge/shyǵýǵa tyıym salynatynyn atap aıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir