Qoıshynyń vagonynan marıhýana tabyldy

2020 jylǵy 12 qarashada "Qarý" jedel-aldyn alý is-sharasy sheńberinde Moıynqum aýdanynyń qumǵa jaqyn mańdaǵy mal jaıylymy aýmaǵynda jedel-izdestirý is-sharalaryn júrgizý barysynda qoıshy bolyp jumys isteıtin 34 jastaǵy jergilikti turǵynnyń kishkene vagonynan jalpy salmaǵy 1 keli 310 gramm "keptirilgen marıhýana" esirtki zaty tabylyp, tárkilendi, dep habarlaıdy Qamshy.kz aqparat agenttigi Jambyl oblysynyń polısııa departamentiniń baspasóz qyzmetine silteme jasap. 

Vagonnan 1 oıyq qarý, 5 tirkelmegen ańshy myltyǵy, 56 patron, sondaı-aq respýblıka aýmaǵynda aýlaýǵa tyıym salynǵan "qaraquıryq" janýarynyń ushasy men basy tabyldy.

Atalǵan derekke qatysty  QR QK 4-bóliminiń 296-baby (asa iri mólsherde esirtki zattaryn zańsyz saqtaý) jáne QR QK 4-bóliminiń 337-baby (zańsyz ań aýlaý) boıynsha sotqa deıingi tergeý amaldary  bastaldy.

Ustalǵan azamat óz kinásin tolyq moıyndady. Esirtki quraldaryn asa iri mólsherde zańsyz saqtaǵany úshin 3 jylǵa deıin, zańsyz ań aýlaǵany úshin 3 jyldan 7 jylǵa deıin bas bostandyǵynan aıyrý jazasy kózdelgen.