Pavlodardaǵy ǵımaratta bomba bar degen aqparat tarady

Pavlodarda belgisiz bireý memlekettik saraptama ǵımaratynda bomba bar ekeni jaıly habarlady, dep habarlady Sputnik Qazaqstan saıty.

Oblystyq polısııa departamenti baspasóz qyzmetiniń málimetinshe, tańǵy saǵat 10:00-de qala polısııasyna "Akademık Sátpaev kóshesi, 25/1 (memlekettik saraptama fılıaly ornalasqan) ǵımaraty kez kelgen mınýtta jarylýy múmkin" degen habarlama kelip túsken.

Mamandar ǵımarattyń aýmaǵyn tekserip, polısııa bólimshesine habarlasqan adamdy anyqtaǵan.

"Oqıǵa ornyna jiberilgen jedel-tergeý toby ǵımaratty qorshap alyp, jeti adamdy qaýipsiz jerge kóshirgen. Mamandar ǵımarat aýmaǵyn teksergenimen,  jarylǵysh zat tabylmady. Alaıda polısııa bólimshesine habarlasqan adamdy anyqtaǵan. Ol Pavlodar oblystyq psıhonevrologııalyq dıspanserinde esepte turǵan 41 jastaǵy turǵyn eken. Ǵımarattaǵy bomba týraly habar jalǵan bolyp shyqty" delingen jazbada.