16 Qarasha, 2020 Barlyq aımaqtar
Foto: qamshy.kz
Tanymal Reseı sarapshysy Maksım Shevchenko "Eho Moskvy" radıostansııasyna suhbat berip, "Taýly Qarabaq" tóńiregindegi keıbir mańyzdy máselelerdi aıtty. Onyń sózinshe, Ázerbaıjan tek óz aýmaǵyn bosatyp qana qoıǵan joq, sondaı-aq Armenııa aýmaǵy arqyly ótetin dálizge baılanysty qolaıly kelisim jasady. Bul týraly aze.az saıty habarlady.
Sarapshynyń pikirinshe, Ázerbaıjan Reseı men Túrkııa arasyndaǵy óte kúshti, baısaldy jáne túsinikti yntymaqtastyq alańyna aınalǵan.
– Armenııanyń Zangezýr atty tar jolaǵy arqyly Nahchyvanǵa jer dálizi salynady. Demek, Ázerbaıjan Grýzııany aınalyp ótip, Túrkııaǵa eń qysqa jolmen tikeleı shyǵatyn bolady.
Eger shynymen de qurlyq joly paıda bolsa, onymen birge Reseı de sol ónimdi alady, óıtkeni Nahchyvannyń Túrkııamen 25 shaqyrymdyq shekarasy bar. Men bul dálizdiń qandaı formatta bolatynyn bilmeımin. Soǵys qalaı aıaqtalyp, aımaqtyń ortaq ekonomıkalyq keńistigine Armenııanyń qalypty ekonomıkalyq ıntegrasııasy bastalsa, armıan-túrik sııaqty basqa da shekara ashylar edi, – dedi Shevchenko.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir