Qytaımen shıelenis asqynǵan tusta, Taıvan áskerı kúshteriniń basshysy joıǵysh ushaqtardy tekserdi

О́tken aıda "F-5" ushaǵy apatqa ushyraǵannan keıin Taıvan Áskerı-áýe kúshteriniń basshysy ózge "F-5"  ushaqtaryna synaq jasady. Qytaımen shıelenis kúsheıe túsken kezde, Taıvandaǵy "F-5" reaktıvti ushaqtarynyń barlyǵy jerge qondyrylyp, tekserýden ótti.

– Men "F-5"-tiń ushýy qaýipsiz dep sanaımyn, – dedi Áskerı-áýe kúshteri qolbasshysy Sıan Hý Chı.

Taıvandy Qytaı óziniń provınsııasy dep sanaıdy jáne ony kúshpen qaıtaryp alýdy joqqa shyǵarmaıdy, bul araldyń áýe keńistiginde shıeleniske ákeledi. Sońǵy jyldary Saı Ing-ven Taıvan prezıdenti bolyp saılanǵannan keıin Qytaımen shıelenis kúsheıe tústi.

Qazan aıynyń basynda Taıvan qorǵanys mınıstri "qańtardan bastap áýe kúshteri shamamen 3000 ret qytaılyq ushaqtarmen betpe-bet keldi" dep málimdedi.

Áskerı-áýe kúshteriniń qolbasshysy Hsıýng senbide 40 mınýttyq synaq reısinde eki adamdyq reaktıvti ushaqpen ushty.

– Men "F-5"-tiń senimdi ekenin jáne áýe kúshteri áskerı qyzmetshilerimizdiń aspanymyzdy qorǵaýǵa degen erik-jigerin otandastarymyzǵa kórsetý úshin synaq reısine qatystym, – dep keltirdi onyń sózin Áskerı jańalyqtar agenttigi.

Ol 40 jyldan artyq tarıhy bar reaktıvti F-5 ushaqtary álemniń 26 elinde áli de qoldanylyp júrgenin aıtty.

29 qazanda  "F-5" ushaǵynyń bir oryndyq nusqasy apatqa ushyraǵan bolatyn. Jattyǵý mıssııasy kezinde, ushyp shyqqannan keıin kóp uzamaı ushaqta mehanıkalyq aqaý shyqqan.