Atyraýda jappaı tóbeles kezinde qaıtys bolǵan grepplıngten Azııa chempıony Esenbek Sıǵýatovtyń týystary tergeý amaldarynyń baıaý júrip jatqanyna alańdaýly. Bul týraly azh.kz saıty habarlady.

Týystarynyń aıtýynsha, oqıǵaǵa sý polısııasy eki qyzmetkeriniń qatysy bar. Alaıda polısııa departamenti polıseılerdiń bul qylmysqa qatysy joǵyn málimdegen.

Buǵan deıin grepplıngten Azııa chempıony atyraýlyq Esenbek Sıǵýatov júreginen oq jaraqatyn alyp, oqıǵa ornynda jan tapsyrǵany habarlanǵan. Oqıǵa 9 tamyzǵa qaraǵan túni qala mańyndaǵy Damba men Qurmanǵazy aýyldarynyń mańynda bolǵan.

– Meniń ulym qaıtys bolǵanyna 3 aı ótti. Biraq tergeý óte baıaý júrip jatyr. Bul is boıynsha eki adam qamaýǵa alyndy. Bireýi meniń ulyma oq atqan, ekinshisi qaqtyǵys bolǵan jerge qarý alyp keldi. Alaıda bul tóbelesti uıymdastyrǵan 17 jastaǵy jigit bostandyqta júr. Nelikten? Men bul is boıynsha ishki ister mınıstrligine habarlasamyn, – dedi marqumnyń ákesi Toqsanbaı Orazǵalı. 

Azııa chempıony Esenbek Sıgýatov

Toqsanbaı Orazǵalıdyń aıtýynsha, uldarynyń ólimine kúdikti eki polıseı de sýda jumys istegen. 

– Bizdiń aýyldyń balalary kórshi Qurmanǵazy aýylynyń dúkenine barǵanda, aýyl balalary olardy uryp-soqqan. Balalar bizdiń ulymyzǵa jáne basqa balalarǵa shaǵymdanǵan. Esenbek solarmen birge Qurmanǵazyǵa da barǵan. Olar tóbelesýdi qalamaǵan, shýdyń ne sebepten bastalǵanyn anyqtamaq bolǵan. Biraq olar Esenbektiń júregine oq atqan. Men sol túni namaz oqýǵa daıyndalyp jatqanymda, úıge Esenbektiń dostary keldi. "Esenbekke oq atyldy, biz odan aıyrylyp qaldyq" dedi. Bar úmitimiz bolǵan balamyz edi ǵoı. Sene almadyq... – deıdi ol.

Marqumnyń ata-anasy

"Atalǵan derek boıynsha sotqa deıingi tergeý jalǵasyp jatyr. Saraptamalardyń nátıjeleri kútilýde, qorytyndysy boıynsha qylmystyq is sotqa jiberiledi" dep jaýap bergen polısııa departamenti redaksııa saýalyna.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir