Moldovadaǵy prezıdent saılaýynda Maııa Sandý jeńiske jetti

Jeksenbi kúni (15 qarashada) Moldova Respýblıkasynda prezıdent saılaýynyń ekinshi kezeńi ótti. Saılaýda burynǵy premer-mınıstr, Áreket jáne yntymaqtastyq partııasynyń basshysy Maıa Sandý jeńiske jetti. Bul týraly iz.ru saıty habarlady. 

Birinshi kezeńde de Sandý 36,16% jınap basymdyqqa ıe bolǵan, bul kezde respýblıkanyń qazirgi prezıdenti Igor Dodon 32,61% daýys jınady. Keshegi ekinshi kezeńde el ishindegi saılaý ýchaskelerindegi hattamalardy 100% sanaǵannan keıin Maıa Sandý 56,28% daýysqa ıe boldy. Al Dodonǵa saılaýshylardyń 43,72%-y daýys bergen. 

Ortalyq saılaý komıssııasynyń málimetteri boıynsha, Sandý Orheı qalasynda 70,28% (Dodon 29,72%), sondaı-aq Krıýlenı, Strasenı, Kalarası jáne Ýngenı sııaqty iri qalalarda senimdi túrde jeńiske jetken. Dodonǵa eldiń soltústik bólikteri men Prıdnestrove (85%-dan astamy) daýys berdi. Kıshınevte Sandýǵa 59,54%, Dodonǵa 40,46% daýys berdi. 

О́ziniń jeńisi týraly pikir bildirgen Maıa Sandý prezıdent retinde qoǵamdy biriktirý men ekonomıkany qalpyna keltirýge kúsh jumsaý keregin atap ótti.

Maıa Sandý Djon Kennedı atyndaǵy Garvard memlekettik basqarý ınstıtýtyn bitirgen jáne eki jyl boıy Vashıngtondaǵy Dúnıejúzilik banktiń atqarýshy dırektorynyń keńesshisi bolǵan. Kıshınevtiń EO jáne NATO-men jaqyndasýyn qoldaıdy.