Aqtóbe oblysynda aýylǵa kógildir otyn berilip, jańa mektep ınternattyń esigi aıqara ashyldy

Senbi, 14- qarasha Aqtóbe oblysynyń ákimi Ońdasyn Orazalın is- saparmen Alǵa aýdanyna qarasty Saryqobda aýylyndaǵy gaz qubyrynyń qurylysymen tanysty. Qurylys jumystary jeltoqsan aıynda aıaqtalady. Joba iske qosylsa, 92 turǵyn úı, 3 áleýmettik nysan kógildir otynmen qamtamasyz etiledi. Bul úshin 195 mln tg qarjy bólingen. Budan soń aımaq basshysy 415 turǵyny bar Bolgarka aýylyna kelgen gazdy resmı túrde iske qosty. Turǵyndarmen kezdesip, oblysta atqaralyp jatqan birqatar jumystardy atap ótti. 

“ Memleket basshysy Qasym-Jomart Toqaevtyń Qazaqstan halqyna arnaǵan Joldaýynda da basty baǵyt halyqtyń áleýetin arttyrý jaıyna aýdarylǵan.Eldegi saıası turaqtylyq, ekonomıkalyq damý úrdisi uıymdasa atqarylǵan eńbegimizdiń jemisi. О́ńirde gazdy qajet etetin 323 eldimekenniń 128i tabıǵı otynǵa qol jetkizdi. Al aýdannyń 95,2% turǵyndary kógildir otyn ıgiligin kórýde. Jyl sońyna deıin bul kórsetkishti 97% deıin jetkizemiz, odan ózge «JQJK» baǵdarlamasy aıasynda bıyl 1 mlrd. teńgege jýyq 13 ınfraqurylymdyq joba iske asyrý kózdelgen”,-dep atap ótti Ońdasyn Orazalın.  

Oblys ákimi Temir aýdanynda boldy. Shubarqudyq kentinde 60 oryndyq ınternatymen salynǵan 320 oryndyq mekteptiń ashylýyna qatysty. Jańadan boı kótergen 3 qabatty bilim oshaǵynyń arqasynda aýdan ortalyǵyndaǵy 3 aýysymdylyq máselesi sheshimin tapty.  

“Keler jyly el Táýelsizdigine – 30 jyl tolady. Memleket basshysynyń yqpalymen elimizdiń ekonomıkasy órkendep, halyqtyń áleýmettik jaǵdaıy jaqsardy. Osyǵan oraı elimizde júzdegen bilim nysandary salynyp, paıdalanýǵa berilýde.  

Aǵymdaǵy jyly oblysta 5875 orynǵa arnalǵan 20 mektep qurylysy júrgizilýde. Atalǵan maqsatqa 6,4 mlrd. teńge bólindi.

Sonymen qatar, «Jumyspen qamtýdyń jol kartasy» baǵdarlamasy aıasynda oblysta 4,7 mlrd.teńgege 56 bilim berý uıymyna kúrdeli jáne aǵymdaǵy jóndeý jumystary júrgizilýde”,- dedi óńir basshysy. Ońdasyn Orazalın zamanaýı úlgide boı kótergen mektep- ınternattyń ǵımaratyn aralap,sport zal, jatyn bólmeler men synyptardyń sapasyn qarady. Qurylysy 2018 jyly bastalǵan nysanǵa 1,2 mlrd tg qarjy qaralǵan. Aýdan boıynsha 7 myńnan astam oqýshy, 25 mektep bar.

Oblys ákimi Dosshan Ishan kesenesi mańynda júrgizilip jatqan qurylys qarqynyn qarady. Munda bıyl oblys ákiminiń bastamasymen “Rýhanı jańǵyrý” baǵdarlamasy aıasynda ashyq aspan astyndaǵy mýzeı salý jumystary bastalǵan. Respýblıka qorǵaýyna alynǵan tarıhı- mádenı nysan jóndeýi 2021j aıaqtalady.

Aımaq basshysynyń jumys sapary Muǵaljar aýdanynda jalǵasty. Oblys ákimine Saǵashıli aýylynda júrgizilgen jol jóndeý jumystary tanystyryldy. Bıyl “JQJK” baǵdarlamasymen jalpy quny 184 mln tg Qunanbaev, Báıishov, Jubanov, Moldaǵulova, Jeńis kósheleri asfalttalǵan, jáne oǵan jergilikti 30 ǵa jýyq azamat jumysqa tartylǵan. 2021 jyly Momyshuly, Áıteke bı kóshelerin asfalttaý josparda.

Ońdasyn Orazalın úzyndyǵy 215 km quraıtyn “Aqtóbe-Atyraý” RF shekarasy(Astrahanǵa) respýblıkalyq mańyzy bar joldyń 100-300 km aýmaǵynda júrgizilip jatqan qaıta jańǵyrtý jumysyn qarady. Onyń ishinde uzyndyǵy 89 km bolatyn “Aqtóbe-Qandyǵash” jolyn qaıta jańǵyrtý jumystary 2021 jyldyń kókteminde bastalady. Qazirgi tańda jobany júzege asyrý úshin merdiger mekemeler anyqtalyp, daıyndyq jumystary bastalyp ketti.

О́ńir basshysy Qandyaǵash qalasynda iske asyrylǵan aýlalardy abattandyrý, avtomobıl joldaryna júrgizilgen kúrdeli jóndeý jumystarymen tanysyp, jıhaz óndiretin “Aıtymbetov” sehynda boldy. 2020 jyly «Qarapaıym zattar ekonomıkasy» baǵdarlamasy aıasynda quny 20 mln.tg  

iske qosylǵan shaǵyn seh jylyna 350 birlik keńselik jáne úı jıhazdaryn shyǵarýǵa qaýqarly. Nátıjesinde 10 jańa jumys orny ashyldy.  

Ońdasyn Orazalın Alǵa, Temir, Muǵaljar aýdandarynyń ákimderine memlekettik baǵdarlamalardy tıimdi paıdalana otyryp, ınfroqurylymdy damytýdy, jumys oryndarynyń sanyn arttyrý qajettigin tapsyrdy.