Qaznette AQSh prezıdenti saılaýy týraly feık aqparat tarap jatyr

Qazaq baspasózinde AQSh prezıdenti saılaýy týraly shyndyqqa múlde saı kelmeıtin feık aqparattar taralyp, halyqaralyq jańalyqtardyń shyn-ótirigin anyqtamaı jarııalaý kórinis berýde.

Mysaly, Kznews.kz saıty "Djo Baıden AQSh prezıdenti bolý quqyǵynan bas tartty" degen taqyryppen jańalyq jarııalaǵan. Qazaqstandyq saıt reseılik "Vzglıad" basylymyna silteme jasap habarlaǵanymen, jańalyqtyń mazmunynda taqyryby aıtqandaı "Djo Baıdenniń prezıdenttikten bas tartqany" týraly eshqandaı sóz nemese tirkes joq. 

Oǵan qosa, amerıkalyq, brıtanııalyq, tipti, avstralııalyq nemese taǵy basqa aǵylshyn tildi basylymdarda mundaı mazmunda eshqandaı aqparat jarııalanbaǵan.

Al AQSh-tyń federaldyq saılaý sheneýnikteri prezıdent Donald Tramptyń alaıaqtyq shaǵymyn qabyldamaı, 2020 jylǵy prezıdent saılaýyna daýys berýdi "Amerıka tarıhyndaǵy eń qaýipsiz" dep málimdegen.

BBC Baıdenniń daýystary Tramptan tipti de asyp bara jatqanyn habarlady.