• USD 468.56

  • EUR 497.56

  • RUB 7.3

  • CNY 67.18

28 Naýryz, 19:53:15
Almaty
+35°

Kórneki sýret

Praımerızdiń ekinshi kezeńi ótti. Partııaishilik irikteýdiń qysqasha qorytyndysy týraly «Nur Otan» partııasy Tóraǵasynyń birinshi orynbasary Baýyrjan Baıbek Facebook jelisindegi paraqshasynda arnaıy jazba jarııalady.

«Qurmetti dostar! Osy aptada Elbasy, partııa Lıderi Nursultan Nazarbaevtyń bastamasymen qolǵa alynǵan partııaishilik praımerızdiń ekinshi kezeńi ótti. Osy is-sharanyń qysqasha qorytyndysyn shyǵarýdy jón kórip otyrmyn.

Birinshi. Biz barlyq deńgeıdegi máslıhattarǵa arnalǵan partııalyq tizimderdi ázirleýdi aıaqtadyq. 216 máslıhatqa úmitker retinde «Nur Otan»-nyń partııalyq tizimine 6253 partııalyq endi.

О́zderińiz biletindeı, birinshi kezeńde praımerızge 10 myńnan astam kandıdat qatysty. Al 1-4 qazan aralyǵyndaǵy respýblıkalyq onlaın-daýys berýge 662 myń adam nemese barsha nurotandyqtardyń 84%-i qatysty.

Praımerızdiń ekinshi kezeńi aıasynda aýdandyq jáne qalalyq konferensııalarda elektrondy daýys berýge 4,5 myńnan astam bastaýysh partııa uıymdarynyń atynan 10 myńnan asa delegat-saılaýshy qatysty.

Barlyq konferensııa men pikirsaıystar áleýmettik jelilerde onlaın rejımde kórsetildi. Bul saılaý barysynyń ashyqtyǵy men aıqyndyǵyn qamtamasyz etti.

Ekinshi. «Nur Otan»-nyń halyqtyq tizimi jasaldy.

Taldaý kórsetkendeı, áıelderdiń úles sany 22-den 34%-ke deıin, jastar – 3,5 ese, 7-den 24%-ke deıin artty. Qazirgi qyzmet etip otyrǵan máslıhattardyń quramymen salystyrǵanda ortasha jasy 7 jasqa – 51-den 44-ke deıin jasardy.

Partııalyq tizimderdiń 24%-in qyzmettegi depýtattar quraıdy, al 76%-i – jańa tulǵalar. Bul qoǵamnyń jańarýǵa degen suranysyn qanaǵattandyrýǵa múmkindik berdi», – dep jazdy B.Baıbek.

Budan soń partııa Tóraǵasynyń birinshi orynbasary partııa qataryna qosylǵan jańa músheler týraly aıtty. Onyń aıtýynsha, partııa qataryna 42 myńnan astam jańa múshe qosylǵan. Olardyń 1000-nan astamy partııaishilik saılaýǵa qatysyp, árbir 3-shisi «Nur Otan»-nyń partııalyq tizimine endi.

«Úshinshi. Partııalyq konferensııalarda aýdandyq jáne qalalyq saılaýaldy baǵdarlamalar bekitildi.

El Prezıdenti Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý aıasynda baǵdarlamanyń barlyq jobalary praımerız kezinde turǵyndarmen jan-jaqty talqylandy. Azamattardan túsken 17 myńnan astam usynystar men eskertýlerdiń 80%-ten astamy qabyldanǵan óńirlik baǵdarlamalarda eskerildi.

Tórtinshi. Partııanyń Májiliske arnalǵan qorytyndy tizimi 25 qarashada «Nur Otan»-nyń HH Sezinde bekitiledi.

Pikirsaıystar qorytyndysy boıynsha 723 jeńimpaz anyqtaldy, olar 14 oblystyń partııalyq tizimderine enedi. Olardyń ishinen 236 adam kelesi aptada «Nur Otan»-nyń Májiliske arnalǵan partııalyq tizimine qosylý úshin oblystyq pikirsaıystarǵa qatysady.

Qazirgi kezde elordanyń, Almaty men Shymkenttiń kandıdattary saılandy. Elektrondy daýys berý nátıjelerimen Primaries.kz saıtynan tanysýǵa bolady.

Sarapshylar qaýymy atap ótkendeı, partııa praımerızi eń bastysy – básekeli, ashyq ta aıqyn negizde jurt senim artqan bedeldi tulǵalardyń arasynan iriktelgen áleýetti depýtattar korpýsyn jasaqtaýǵa múmkindik bermek.

Osylaısha, «Nur Otan» Elbasy, partııa Lıderi Nursultan Nazarbaevtyń bıleýshi partııany «qaıta jandandyrý» aıasynda jarııalaǵan «Myqty lıderler – Myqty partııa» qaǵıdatyn naqty iske asyrdy.

Álemniń jetekshi elderinde ozyq demokratııalyq qural retinde tanylǵan praımerız qoǵamymyzda jańa saıası mádenıettiń qalyptasýyna jol asha otyryp, partııalyq-saıası júıeniń ajyramas bóligine aınalatynyna senimdimin», – dedi B.Baıbek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir