Prezıdent Qasym-Jomart Toqaev básekelestikti qorǵaý jáne damytý agenttiginiń tóraǵasy Serik Jumanǵarındi qabyldady, dep habarlady Aqorda saıty.

Memleket basshysyna agenttik qurylǵannan beri atqarylǵan jumystar jaıynda baıandaldy. Serik Jumanǵarın vedomstvonyń ashyqtyq saıasatyn júzege asyryp jatqanyn aıtty. Ol problemalardy qoǵam jáne bıznes ókilderimen birlesip talqylaýǵa múmkindik beretin kraýdsorsıngtik alań men kedergi jónindegi keńesterdiń qurylǵanyn aıtty.

"Qasym-Jomart Toqaevqa PTR synamasynyń, jeke qorǵanys zattarynyń, sondaı-aq, Qazaqstan áýejaılaryndaǵy tutyný taýarlarynyń baǵasyn tómendetý jóninde bergen tapsyrmalarynyń oryndalýy jaıynda málimet berildi.

Budan bólek memleket basshysyna vedomstvo saýda bırjalarynyń qyzmetine, suıytylǵan gaz baǵasyn arzandatýǵa, naryqtaǵy dári-dármektiń baǵasyn turaqtandyrýǵa qatysty jasalǵan jumystar týraly aıtyldy.

Toqaev PTR synamasynyń, jeke qorǵanys zattarynyń jáne dári-dármek baǵasyn aıryqsha baqylaýda ustaýdy tapsyrdy.

Prezıdent agenttik basshysyna ekonomıkanyń tıimdiligin arttyrýǵa, taýar bırjasy men básekelestikti odan ári damytýǵa qatysty birqatar mindettemeler júktedi" delingen saıt habarlamasynda.

"Qamshy" silteıdi
Ilmek sózder: Toqaev Jumanǵarın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir