Elordada "Nur Otan" qalalyq fılıalynyń konferensııasynda máslıhatqa partııalyq tizim qalyptastyrylyp, Parlament Májilisiniń partııalyq tizimine kandıdattar anyqtaldy. Sondaı-aq, qalalyq saılaýaldy baǵdarlamasy bekitilip, partııanyń XX sezine qatysý úshin delegattar saılandy, dep habarlaıdy "Nur Otan" Ortalyq apparatynyń baspasóz qyzmeti.

Sonymen, eń joǵary reıtıngke ıe praımerızge qatysýshylar qatarynan jáne fılıal kvotasyn eskere otyryp, qala máslıhatyna 1 orynǵa 2 adam qaǵıdaty boıynsha 62 kandıdattan turatyn partııalyq tizim qalyptastyryldy.

Taldaý kórsetkendeı, tizimdegi áıelderdiń úlesi 20-dan 30% ǵa deıin, al 35 jasqa deıingi jastar 0-den 22,5%-ǵa deıin ósti. Úmitkerlerdiń ortasha jasy 9 jasqa – 52 jastan 43 jasqa deıin jasardy. Qyzmettegi 25 depýtattyń 5-i ǵana jańa partııalyq tizimge endi. Jalpy, máslıhattaǵy elordalyq "Nur Otan" partııasynyń tizimi 90 paıyzǵa jańartyldy.

qamshy.kz

Tizimde ShOB ókilderiniń úlesi basym – 32,2%, bilim berý salasy – 20,9%, densaýlyq saqtaý salasy – 11,4% jáne t.b. bar. Partııalyq tolyq tizimdi primaries.kz. saıtynan kóre alasyzdar.

Konferensııa barysynda májiliske partııalyq tizimge úmitkerler arasynda pikirsaıys ótti. Birinshi raýndta qatysýshylar ózderiniń saılaýaldy baǵdarlamalarynyń negizgi tezısterin tanystyrdy, ekinshi raýndta "suraq-jaýap" túrindegi pikirtalas sessııasy ótti.

10 úmitkerdiń ishinen partııa músheleri "Praımerız" aqparattyq júıesi arqyly qalalyq ókildik kvotasyna sáıkes 5 kandıdatty tańdady.

Balalar aýrýhanasynyń meńgerýshisi Larısa Pavloves, "Atameken" UKP ókili Almaz Júnisov, "Halyqaralyq jahandyq áıelder kóshbasshylyǵy" qoǵamdyq birlestiginiń jetekshisi Baltaeva Hanzada, Sybaılas jemqorlyqqa qarsy is-qımyl agenttiginiń qyzmetkeri Rasýl Medetov jáne bıznes ókili Baýyrjan Isabaev eń kóp daýys jınady.

Fılıal tóraǵasy Altaı Kólginov atap ótkendeı, qalanyń saılaýaldy baǵdarlamasy azamattarǵa jaıly turmys jaǵdaılaryn qamtamasyz etýge baǵyttalǵan naqty maqsatty ındıkatorlarǵa negizdelgen.

"Halyq únine qulaq asatyn memleket" tujyrymdamasy – turǵyndar men bılik arasyndaǵy turaqty dıalog. Bizdiń mindetimiz – azamattardyń máselelerin estip jáne kórip qana qoımaı, eń bastysy olarǵa durys jáne jedel jaýap berý. Sondyqtan qalalyq saılaýaldy baǵdarlama praımerız kezinde turǵyndardan túsken usynystardy eskere otyryp, pysyqtaldy, – dedi Altaı Kólginov.

qamshy.kz

Eske sala keteıik, buǵan deıin "Nur Otan" partııasy óńirlik fılıaldardyń konferensııa kestesin jarııalaǵan bolatyn, onyń barysynda barlyq deńgeıdegi máslıhattarǵa partııalyq tizimder jáne ár óńirden májiliske partııalyq tizimge kandıdattar anyqtalatyn bolady.

Keshe Shymkent jáne Almaty qalalarynda konferensııa ótti. Almaty, Qaraǵandy jáne Qyzylorda oblystarynda 16 qarashada ótedi. Aqmola, Shyǵys Qazaqstan, Jambyl, Batys Qazaqstan, Túrkistan, Atyraý, Qostanaı, Mańǵystaý, Pavlodar jáne Soltústik Qazaqstan oblystarynda – 17 qarashada ótedi.

Qalalyq jáne aımaqtyq konferensııalarda kandıdattar arasyndaǵy pikirsaıys praımerızdiń ekinshi deńgeıi aıasynda ótkiziledi.

Partııaishilik irikteýdiń birinshi kezeńine 10 myń kandıdat qatysty. Onyń 37%-y – áıelder, 29%-y – 35 jasqa deıingi jastar. Bastaýysh partııa uıymdarynan kandıdattardyń 30%-y usynylsa, 70%-y – ózin-ózi usynýshylar. Úmitkerlerdiń ortasha jasy – 43 jas. Bul rette daýys berýge 662 myńnan astam partııalyq qatysty.

Ilmek sózder: Nur Sultan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir