12 Qarasha, 2020 Barlyq aımaqtar

Qytaı Gonkongtyń táýelsizdik alýyn qoldaıtyndardy qýdalady

Qytaı sársenbide jarııalaǵan qararda Gonkongtyń táýelsizdik alýyn qoldap, Qytaıdyń egemendigin moıyndamaı, shetelden kómek suraǵandar ulttyq qaýipsizdikke qaýip tóndiredi dep jazylǵan.

Foto: gazeta.ru

Qytaı bıligi Gonkong oppozısııasysynyń jappaı otstavkaǵa ketýin synady, dep habarlaıdy Qamshy.kz aqparat agenttigi BBC-ge silteme jasap. Sársenbide 15 oppozısııa ókili jumystan shyǵarylǵan tórt áriptesin qoldap, otstavkaǵa ketetinin jarııalaǵan. Olar Beıjiń "ulttyq qaýipsizdikke qaýip tóndiretinder jumystan shettetilý kerek" degennen keıin jumystan bosatyldy.   

Kóbi Qytaıdyń bul áreketin Gonkongtyń quqyǵyn shekteý dep tanydy, alaıda Qytaı muny moıyndamaı otyr. Otstavkaǵa ketken oppozısııa ókilderi bul áreketi arqyly Beıjińge qarsylyǵyn kórsetýdi kózdeıdi.

"Eger olar óz otstavkasy arqyly radıkaldy oppozısııany arandatyp, sheteldiń nazaryn aýdarýdy oılasa, kózdegen maqsatyna jete almaıtynyn aıtqym keledi" dedi resmı ókil.

Qytaı sársenbide jarııalaǵan qararda Gonkongtyń táýelsizdik alýyn qoldap, Qytaıdyń egemendigin moıyndamaı, shetelden kómek suraǵandar ulttyq qaýipsizdikke qaýip tóndiredi dep jazylǵan.  

Atalmysh qarar jarııalaǵannan keıin Gonkong qalanyń zańdy keńesinen tórt oppozısııa ókilin shyǵardy. Ondaǵy 70 adamnyń 21 oppozısııa ókili bolatyn. Beıjiń qararynan keıin jumystan bosatylǵan 4 áriptesin qoldaý maqsatynda jáne Qytaıǵa qarsylyq retinde 15 oppozısııa ókili otstavkaǵa ketetinin jarııalady.

Qala ákmishilgi tórt oppozısııa ókili jumystan bosatylyp qana qoımaı, kelesi ótetin saılaýǵa qatysý quqyǵynan aıyrylǵanyn habarlady. Saılaý 2020 jyldyń qyrkúıeginde ótýi kerek edi. Alaıda 2021 jylǵa aýystyrylǵan.

Beıjiń men Gonkong tórt adamnyń zańǵa qaıshy naqty qandaı áreket jasaǵandaryn ashyp aıtpady. Jumystan shettetilgen tórteýdiń ishinde Denıs Kýok (Dennis Kwok) pen Alvın Ieng Ngok-kııý (Alvin Yeung Ngok-kiu) bar. Olar AQSh senatorymen birlesip Gonkongqa sanksııa salý týraly hatqa qol qoıǵan. Kennez Leýng (Kenneth Leung) AQSh-qa saparynda press-konferensııaǵa qatysyp, onda sanksııany qoldaıtynyn aıtqannan keıin oǵan qatysty qýdalaý bastalǵan. Tórtinshi oppozısııa ókili Kýok Ka-kı (Kwok Ka-Ki) sheteldikterden Gonkongqa sanksııa salýdy suraýǵa nıetti bolǵan degen jeleýmen qýdalandy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir