Qazaqstan kommýnıstik halyq partııasynyń ataýy ózgerip, rebrendıng jasaldy. Endi QKHP «Qazaqstannyń halyq partııasy» dep atalatyn bolady, dep habarlady partııa hatshysy.

– Biz bıyl partııamyzdyń ataýyn ózgertip, rebrendıng jasaýdy jón kórdik. Búgingi partııanyń kezekten tys XV seziniń basty jańalyǵy, bizdiń partııamyzdyń ataýynyń «Qazaqstannyń halyq partııasy» bolyp ózgerýi. Bul degenimiz kommýnıstik ıdeologııadan ketý degen sóz emes, bizdiń elimizdegi áleýmettik máselelerge kóp mán berýimizben baılanysty. Elimizdegi sheshilýi tıis máselelerdiń kóbi áleýmettik salamen baılanysty. Taǵy bir partııa músheleriniń qataryn keńeıtý, baǵdarlamamyzdyń aıasyn keńeıtýdi kózdeımiz. Sondaı-aq, biz partııalardyń qatarynda joq, biraq ózindik ıdeıalary bar azamattardy óz partııamyzǵa shaqyramyz, – dedi QKHP-nyń hatshysy Jambyl Ahmetbekov.

Nur-Sultan qalasynda Qazaqstan kommýnıstik halyq partııasynyń kezekten tys XV sezi ótip jatyr.

 

Ilmek sózder: Kompartııa

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir