• USD 424.85

  • EUR 504.21

  • RUB 5.84

  • CNY 65.86

29 Qarasha, 11:52:18
Almaty
+4°

Almatyda «Bala daýysy» ulttyq balalar án baıqaýy 5-shi mereıtoılyq maýsymynyń jeńimpazy anyqtaldy.

Konserttik baǵdarlamanyń aqtyq kezeńi aıasynda úlken sahnada óner kórsetý mártebesi elimizdiń 17 óńirinen 20 balaǵa buıyrǵan bolatyn. Daryndy jas ánshiler 2020 jyldyń 15 naýryzy men 15 mamyry aralyǵynda ótken qashyqtan irikteý týrnıri barysynda 8 ben 12 jas aralyǵyndaǵy 4 135 ónerpaz arasynda erekshe kózge túsken edi.

15 qazanda «Bala daýysy» úzdik áni» konserttik baǵdarlamasy ótti. Onda aqtyq márege 14 oblys pen Shymkent, Almaty jáne Nur-Sultan qalalarynyń atynan joldama alǵan jas ánshiler 2016 jyldan beri baıqaý aıasyndaǵy avtorlyq balalar ánderin oryndady.

«Bıyl biz úshin ataýly data. Bizge 5 jyl tolyp otyr. Jyldan jylǵa balalardyń birinen-biri asyp túsetindigin baıqadyq. Repertýar buǵan deıingi maýsymdardaǵy avtorlyq ánderden boldy. Árıne, bıylǵy epıdemıologııalyq ahýalǵa baılanysty daryndy balalardy onlaın rejımde irikteý ońaıǵa soqqan joq. Belgili bir qatysýshyny shatastyryp almaý úshin óńirlerdegi jazbalardy qaıta qarap shyǵýǵa týra keldi. О́ziń baryp kózben kórgen yńǵaıly. Balalardy jandy kórýdi eshteńe de almastyra almaıdy», - dedi «Bala daýysy» baıqaýynyń mýzykalyq prodıýseri Farıda Nııazova.

Baıqaý qortyndysynda Mańǵystaý oblysynyń týmasy Armen Saakıan 5- maýsym jeńimpazy atanyp, Ulttyq óner ýnıversıtetinde bilim alý grantyn ıelendi.

«Men úshin tym tosyn jaıt boldy. О́te qýanyshtymyn. Maǵan senim artyp, qoldaý kórsetken barshańyzǵa rızashylyǵymdy bildiremin», - deıdi Armen.

Armen Saakıan 6 tilde sóılep, qosymsha vokalmen aınalysady. Bos ýaqytynda sportpen aınalysatyn onyń MMA-dan Qazaqstan chempıony ataǵy da bar.

Al baıqaýdyń birinshi júldesi aqtóbelik Aıdar Aqqulovqa, ekinshi júldesi pavlodarlyq Leıla Sechova men jambyldyq Bekmuhamed Ǵazıjanulyna, al úshinshi júldesi almatylyq Rýslan Ámiraslanov pen mańǵystaýlyq Aıarý Qımaǵanbetke, almatylyq Ábilqaıyr Jumabaı men atyraýlyq Olesıa Kýlmınge buıyrdy. «El tańdaý» atty telekórermender atynan arnaýly syılyq Aqtóbe oblysynan kelgen 12 jastaǵy Aıdar Aqqulovqa tabystaldy.

 

"Qamshy" silteıdi
Ilmek sózder: Almaty Bala daýysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir