Almatydaǵy onkologııalyq ortalyqta ashyq esik kúni ótedi

Shara Dúnıejúzilik sút bezi qaterli isigine qarsy kúres kúni qarsańynda uıymdastyrylyp otyr.

Almaty qalalyq densaýlyq saqtaý basqarmasynyń habarlaýynsha, 15 qazan - Dúnıejúzilik sút bezi qaterli isigine qarsy kúres kúni.Osyǵan baılanysty 10 –17 qazan kúnderi tańǵy saǵat 09.00-den 15.00-ge deıin «Almaty onkologııalyq ortalyǵynda» qaterli isikti erte anyqtaý maqsatynda ashyq esik kúni ótedi.

Dúnıejúzilik densaýlyq saqtaý uıymynyń málimetteri boıynsha qaterli isik aýrýlary álemde ólimniń ekinshi negizgi sebebi. Qazaqstanda jyl saıyn 3 myńnan astam sút bezi qaterli isigi anyqtalady. Ony alǵashqy kezeńderde mammografııa jáne sút beziniń ýltradybystyq zertteýi arqyly anyqtaýǵa bolady. 40 jastan asqan árbir áıel 2 jylda bir ret mammografııadan ótýi kerek. Jasyna qaramastan, keýdedegi kez kelgen túzilimder anyqtalsa, onkologpen keńesý kerek. Aýrýdyń aldyn alýǵa otbasylyq ómirdiń ýaqtyly bastalǵany áser etedi. Bosaný jáne emizý sút bezi qaterli isiginiń qaýpin azaıtady. Erte kezeńde dıagnoz qoıý kezinde tolyq emdelý yqtımaldyǵy 100% jetedi.

Profılaktıkalyq tekserýdiń ýaqyty men ótkiziletin orny:

1. Klınıkalyq-dıagnostıkalyq bólimshe: Papanın k-si, 220 lıter A. 1-qabat

2. Skrınıngtik bólimshe: О́tepov kóshesi, 7a, 2-qabat.

Ashyq esik kúnine baılanysty barlyq suraqtar boıynsha myna telefondarǵa habarlasýǵa bolady: + 7-707-7617262; + 7-707-4974414; + 7-727-312-24-74.