• USD 468.56

  • EUR 497.56

  • RUB 7.3

  • CNY 67.18

28 Naýryz, 16:26:01
+35°


2020 jylǵy 11-23 qarasha aralyǵynda «Bıýdjetke qatysý» qalalyq jobasy aıasynda Almatyny abattandyrý boıynsha turǵyndardyń usynystaryna daýys berý ótedi.

«Bıýdjetke qatysý» jobasy boıynsha ótinim jınaý 28 tamyzda bastaldy. 2020 jyly jalpy soma 6,4 mlrd teńgege deıin artty (2019 jyly 4 mlrd teńge) — ár aýdanǵa 800 mln teńgeden. Qalaǵa qosylǵan aýmaqtardy damytý maqsatynda, Naýryzbaı jáne Alataý aýdandaryna «Bıýdjetke qatysý» aıasynda qosymsha 500 mln teńgeden bólý qarastyrylǵan. Osylaısha, atalǵan eki aýdannyń árqaısysyna bólingen qarajattyń jalpy somasy 1,3 mlrd teńgeden bolady.

Almatylyqtardyń 448 bastamasy daýys berýge jiberildi. Eń kóp ótinim Almaly (123), Naýryzbaı (72) jáne Túrksib (62) aýdandaryn abattandyrý boıynsha tústi. Odan keıingi kezekte Bostandyq (49), Medeý (42), Alataý (41), Jetisý (36) jáne Áýezov (23) aýdandary tur.
Qala turǵyndary usynǵan jobalar qatarynda Uljan-2 yqshamaýdanynda jekpe-jekke arnalǵan kópfýnksıonaldy jazǵy sport zal, Aınabulaq-4 yqshamaýdanynda shahmat ortalyǵyn salý, Qalqaman yqshamaýdanynda «Rahmet dáriger!» Covid-19 pandemııa memorıalyn ornatý jáne t.b. bar.

Almaty qalasynda turaqty tirkelgen turǵyndar ǵana tańdaý jasap, unaǵan jobalarǵa daýys bere alady. Yńǵaıly bolý úshin onlaın jáne qaǵaz túrinde daýys berý múmkindigi qarastyrylǵan. Qaǵaz túrinde aýdandyq ákimdikterge nemese Open Almaty front-ofısine (Abaı dańǵyly, 90) baryp daýys berýge bolady.

Onlaın-daýys berý úshin:
1) budget.open-almaty.kz portalynda «Daýys berý» bólimine ótý;
2) unaǵan 3-ten (úsh) artyq emes jobalyq usynysty tańdaý;
3) daýys berýdi rastaýdyń yńǵaıly tásilin tańdaý qajet – ESQ nemese JSN (SMS-kod) arqyly.

Qaǵaz túrinde daýys berý úshin:
1) kez kelgen aýdan ákimdigine (saǵat 09.00-18.00, úzilis saǵat 13.00-14.00) nemese Open Almaty front-ofısine (saǵat 09.00-20.00) barýǵa bolady, ózińizben birge jeke basty kýálandyratyn qujat bolýy qajet;
2) jergilikti jerde berilgen qaǵaz formany toltyrý;
3) toltyrylǵan formany daýys jınaý jáshigine salý qajet.
Jobalyq usynys iske asyrýǵa jiberilýi úshin Almatyda turaqty tirkelgen turǵyndardyń 10-nan astam daýysyn jınaýy tıis. Bir turǵyn 3 (úsh) jobalyq usynysqa ǵana daýys bere alady.

Anyqtama: 2019 jyly Almaty ákimdigi qalanyń 8 aýdanyna jergilikti bıýdjetten 500 mln teńgeden bólip, «Bıýdjetke qatysý» pılottyq jobasyn iske asyrdy. Qala bıýdjetin nege jumsaý kerektigin ashyq talqylaý jáne daýys berý arqyly almatylyqtardyń ózderi anyqtady. Qala turǵyndarynyń bastamalaryna Almaty qalasy Qoǵamdyq keńesiniń músheleri, sarapshylar, máslıhat depýtattary, ÚEU ókilderi óz baǵasyn berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir