• USD 468.56

  • EUR 497.56

  • RUB 7.3

  • CNY 67.18

28 Naýryz, 16:47:14
Almaty
+35°

Májilis Spıkeri Nurlan Nyǵmatýlınniń tóraǵalyǵymen Palatanyń jalpy otyrysy ótti. Onda depýtattar «Tehnıkalyq retteý» týraly zań jobasyn birinshi oqylymda maquldady.

Atalǵan mańyzdy qujatty talqylaý barysynda Palata Spıkeri jańa zań jobasynyń salmaqty tustaryna erekshe nazar aýdardy. Bul zań jobasy qazaqstandyq naryqty sapasyz taýarlardan  qorǵaýǵa baǵyttalǵanyn aıta kelip:

- Eń bastysy, ónim qaýipsiz bolý kerek. Basqa máseleler, mysaly, ónimge markırovka jasaý. Ol jaǵdaıdy kásipkerlerdiń ózderi sheshetin múmkindigi bar. Ol úshin tovardy qaıtarýǵa, nemese ótkizbeýge jol bermeý kerek. Sebebi, bul kásipkerler úshin óte úlken shyǵyn, - dedi Nurlan Nyǵmatýlın.

Atap aıtý kerek, endi osy zań jobasyna sáıkes, memlekettik baqylaý ónimdi ótkizý satysynda ǵana emes, ony elimizdiń aýmaǵyna ákelgenge deıin júrgizetin bolady.

Osyǵan oraı:

-   Jasyratyny joq, osyǵan deıin basqasha boldy. Mysaly, kez-kelgen ónimdi biz eń aldymen elge kirgizemiz de, sodan keıin tekseremiz. Qaýipti jaǵdaı bolsa, sonda ǵana anyqtaý bastalady. Endi ónim Qazaqstanǵa kirmeı turyp, memlekettik baqylaýdan ótedi. Qaýipti jaǵdaı anyqtalsa, birden ol taýardy árıne, qaıtaramyz. Bul óte mańyzdy, óte qajetti qadam. Sondyqtan bul normany mindetti túrde qoldaýymyz kerek, - dedi Májilis Tóraǵasy.

Nurlan Nyǵmatýlınniń pikirinshe, zań jobasyna engizilgen túzetýler tutynýshylardy qaýipti taýarlardan qorǵaýdy kúsheıtedi.

Sonymen qatar otyrys barysynda depýtattar jaýapty memlekettik organnyń basshysyna birqatar suraqtaryn qoıdy.

Eske sala keteıik, zań jobasy Memleket Basshysynyń jańa redaksııadaǵy tehnıkalyq retteý týraly zańdy daıyndaý qajettigi týraly tapsyrmasyn iske asyrý maqsatynda ázirlendi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir