«Jas maman» jobasy suranysqa saı mamandardy daıarlaýǵa úlken múmkindikter beredi

Aqtóbe oblysynda 5 kolledj bıyl "Jas maman" jobasy aıasynda materıaldyq-tehnıkalyq bazasyn jańartýda.  Jobanyń maqsaty respýblıka boıynsha 180 kolledjdi jáne 20 joǵary oqý ornyn 100 asa talap etiletin mamandyqtar boıynsha jańǵyrtý jáne bilikti mamandardy daıarlaýdyń halyqaralyq tájirıbesin engizý bolyp tabylady. О́tken jyly respýblıkadaǵy 80 kolledj osy jobaǵa tańdalynyp alyndy. Al Aqtóbe oblysynan túrli qoıylǵan talaptarǵa saı keletin  9 kolledjge tańdaý tústi.

        Joba aıasynda  5 kolledj 2020 jyly, 4 kolledj  2021 jyly jabdyqtalatyn bolady.  Respýblıkalyq bıýdjetten bıylǵy jyly 1,4 mlrd. teńge qaras­tyryldy. Bul oqý zerthanalary men sheberhanalaryn zamanaýı qurylǵylarmen jabdyqtaý, kabınet­terdi qural-jabdyqtarmen qamta­masyz etýge, lobaratorııalardy jańartýǵa jumsalady. Osy sala­da bilim alatyn stýdentterdiń prak­tıkalyq jumysqa den qoıýyna basymdyq beriledi.

        «Jas maman»  jobasy - oqý oryndary úshin materıaldyq bazany keńeıtýge jáne jaqsartýǵa tamasha múmkindik. Bolashaqta bul ınvestısııa oblys ekonomıkasy úshin qajetti bilikti kadrlardyń daıarlanyp shyǵýyna múmkindik beredi. «Jas maman» jobasynyń artyq¬shylyǵy – eń qajetti maman¬dyqtarǵa basymdyq berilýi. Iаǵnı qazirgi suranystaǵy mamandyqtardy sapaly etip shyǵarýǵa kúsh jumsalatyn bolady dep kútilýde. Sonymen qatar, básekege qabiletti maman daıarlaý boıynsha oqytý jospary jandandyryp, ózgertý men tolyqtyrýlar engiziledi.

            Búgingi kúni joba sheńberinde óńirde suranysqa ıe                           24 mamandyq boıynsha oqytý úshin jabdyqtar satyp alynady, olar: tehnıkalyq mamandyqtar jáne qyzmet kórsetý salasy boıynsha.

        Kolledjderdi jabdyqtaýǵa arnalǵan qurylǵylardyń tizimi kolledjderdiń usynystaryna, jumys berýshilerdiń talaptary men WorldSkills standarttaryna sáıkes jasaldy.

        Mysaly,  Aqtóbe kólik, kommýnıkasııa jáne jańa tehnologııa kolledji jobaǵa 4 mamandyq 4 biliktilik boıynsha qatysýda.

        Atalǵan kolledj mehatronıka, robototehnıka, logıstıkalyq kontrollerlerdi baǵdarlamalaý, elektrotehnıka boıynsha zaman talabyna saı oqý kabıneti, jańa úlgidegi monobloktar, mobıldi ýltraqysqa fokýstyq proektorlar,  vagon sharýashylyǵy mamandyǵy boıynsha 12 oryndyq ınteraktıvti synyp,  baılanys júıesiniń jańa úlgidegi qurylǵylary, qozǵaltqyshtyń makettik kórinisi, elektrlengen jańa úlgidegi stendter, tájirıbe jumystaryna arnalǵan stanoktarmen jabdyqtaldy. Sondaı-aq  temir joldaǵy aqaýlardy anyqtaıtyn qurylǵylar, temir joldaǵy avtomattandyrylǵan jumys túriniń jańa qurylǵysy alyndy. Zaman talabyna saı, óndiriste qoldanylyp júrgen bul qural-jabdyqtarmen jumys jasaı alýy úshin kolledj oqytýshylarynyń biliktiligi de jetildiriletin bolady.

         «Jas maman» jobasyn iske asyrý jańasha oqytýdyń  jeke modelin qalyptastyryp, ónerkásipte suranysqa ıe halyqaralyq deńgeıdegi bilikti mamandardy daıarlaýǵa jol ashty.

        Qazirgi tańda  oqý oryndarynda jabdyqtardy ornatýǵa daıyndaý boıynsha barlyq qajetti jumystar júrgizilýde. Osylaısha, Hromtaý taý-ken, Aqtóbe joǵary polıtehnıkalyq, qurylys jáne bıznes  kolledjderinde  josparlanǵan jumystardyń bir bóligi aıaqtalý satysynda. Jabdyqtardy  jetkizýdi Aqtóbe avtojol, kólik-kommýnıkasııa jáne jańa tehnologııalar kolledjderi kútýde.

        Kolledjderde kadrlardy daıarlaýdyń halyqaralyq standarttaryn engizý úshin sheteldik seriktester tartylatyn bolady. Sheteldik seriktespen birlesip kadrlardy daıarlaý baǵdarlamalaryn jańartý, oqytýshylardyń biliktiligin arttyrý jáne oqý orny men menedjment prosesterin jetildirý boıynsha jumys uıymdastyrylǵan.

        «Jas maman» jobasy kolledjdiń oqý-óndiristik bazasyn jańartyp qana qoımaı, quzyrettilik ortalyǵyn qurýǵa da múmkindik bermek.