Almatyda aqparattyq-aǵartýshylyq shtab músheleriniń kezdesýi ótti

Antıkor ortalyǵynda Almaty qalasynyń aktıvterimen respýblıkalyq aqparattyq-aǵartýshylyq shtab músheleriniń kezdesý ótti.

Halyq arasynda parasattylyq mádenıetin qalyptastyrý boıynsha túsindirý qyzmetin júrgizý maqsatynda quqyq qorǵaý jáne memlekettik organdarda sybaılas jemqorlyqqa qarsy qyzmettiń respýblıkalyq aqparattyq-aǵartýshylyq shtaby jumys isteıdi.

Shtabtyń maqsaty halyqpen syndarly dıalog qurý, túrli tásilderdi qoldana otyryp, keń aýqymdy aqparattyq-aǵartýshylyq jumys júrgizý arqyly parasattylyq qaǵıdattaryn taratý bolyp tabylady.
Elimizdiń barlyq oblystarynda óńirlik aqparattyq-aǵartýshylyq shtabtary jumys atqarýda.

"Halyq únine qulaq asatyn memleket" tujyrymdamasyn oryndaý aıasynda jergilikti atqarýshy organdardyń basshylarymen, aýdan ákimderimen, sondaı-aq Almaty qalasynyń aktıvterimen túsindirý kezdesýi ótti.

Túsindirý jumystaryn shtab tóraǵasy Yrza Tursynzada men Agenttiktiń parasattylyq departamentiniń dırektory Ǵanıjan Asanuly júrgizdi.

Is-shara barysynda Ǵanıjan Asanuly sybaılas jemqorlyqqa qarsy zańnamadaǵy ózgerister men tolyqtyrýlar jaıly, sybaılas jemqorlyqty joıý maqsatynda Agenttiktiń aldyn alý jumystary týraly aıtyp berdi.

"Sybaılas jemqorlyq kisi óltirýden góri aýyr qylmys bolyp tabylady. О́ıtkeni, kisi óltirý saldarynan adam qaıtys bolady, al sybaılas jemqorlyqtyń saldarynan búkil memleket túbimen joıylady. Sybaılas jemqorlyq kórinisterine oryn joq memleketti qurý, árqaısymyzdyń azamattyq ustanymymyz",- dep shtab jetekshisi Yrza Tursynzada óz oıymen bólisti.

Kezdesý barysynda qatysýshylarǵa QR Sybaılas jemqorlyqqa qarsy is-qımyl agenttiginiń qyzmeti týraly beınerolıkter, sondaı-aq sybaılas jemqorlyq qylmystyq quqyq buzýshylyq jasady degen kúdiktilerdi áshkereleý boıynsha jedel beınetúsirilimder kórsetildi.

Is-shara barysynda qatysýshylar ózderiniń usynystary men jańa ıdeıalaryn, sondaı-aq sybaılas jemqorlyqqa qarsy is-qımylda oń jumys tájirıbesimen almasty.