• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 10:23:16
Almaty
+7°

Prezıdent Qasym-Jomart Toqaev Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanulyn qabyldady, dep habarlady Aqorda saıty.

Bas múftı memleket basshysyna Qazaqstan musylmandary dinı basqarmasynyń pandemııa kezinde jasaǵan qaıyrymdylyq sharalary jaıynda málimet berdi.

"Naýryzbaı qajy Taǵanuly indet kezinde múftııat tarapynan aýrýhanalarǵa jasandy tynys alý, ottegi apparattary men medısınalyq qural-jabdyqtar, muqtaj jandarǵa dári-dármekter, meshitterdiń janyndaǵy tigin sehtarynda tigilgen betperdeler men qorǵanys kıimderiniń tegin taratylǵanyn atap ótti. Sonymen qatar "El úlesi – páterde" aksııasy aıasynda 314 baspana berilgenin aıtty. Budan bólek ımamdardyń bilimin kóterý, kadr daıarlaý máseleleri jaıynda baıandady.

Naýryzbaı qajy Taǵanuly Qasym-Jomart Toqaevqa múftııat aldaǵy ýaqytta "Ihsan" ilimin, Abaıdyń kemel adam konsepsııasyn keńinen dáriptep, nasıhattaý jumystarymen aınalysatynyn jetkizdi" delingen habarlamada.

Kezdesý barysynda Qazaqstan musylmandary dinı basqarmasynyń aldaǵy josparlary týraly da sóz boldy. Atap aıtqanda, Islam akademııasyn qurý, Islam jáne teologııa kitaphanasyn salý, elimizdegi meshitterdiń arhıtektýrasyn qazaqy salt-sanaǵa saı qalyptastyrý máseleleri aıtyldy.

Kezdesý sońynda prezıdent Qasym-Jomart Toqaev dinı basqarmanyń jumysyn joǵary baǵalap, aldaǵy bastamalaryna sáttilik tiledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir