Foto: B.Kesebaevanyń áleýmettik jelisinen
Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Balaıym Kesebaeva «Nur Otan» partııasynyń óńirlik konferensııasy aıasyndaǵy debatqa qatyspaq. Ol bul týraly áleýmettik jelidegi paraqshasynda arnaıy jazba jarııalady.
Depýtat «Nur Otan» praımerıziniń birinshi deńgeıindegi pikirsaıystar partııanyń jańa aktıvi ashyq pikirtalasqa daıyndyǵyn kórsetkenin aıta kele, saıası jumysta dıalog júrgizýdiń mundaı formaty belgili bir daǵdylar men daıarlyqpen qatar úlken tájirıbeni talap etetinin de atap ótti.
B.Kesebaevanyń aıtýynsha, partııa aktıviniń jańa ókilderiniń kúsh-jigeri men jigerligi olardyń artyqshylyǵy bolyp tabylady. Degenmen olarǵa qarsylasyn sendirý, óz ustanymyn kópshilik aldynda qorǵaý, qarsy taraptyń kemshilikteri men sáıkessizdikterin tabý múmkindigi jetispeıdi.
«Meniń zańgerlik kóp jylǵy jeke eńbek tájirıbemdi eskere otyryp, Qazaqstan Respýblıkasy Parlamenti Májilisiniń depýtattyǵyna qaıta saılanýym tek Qyzylorda oblysynyń ǵana emes, sondaı-aq quqyqtyq retteýdi, zańdylyqty jetildirý men Qazaqstan azamattarynyń quqyqtary men zańdy múddelerin qorǵaýdy qamtamasyz etý máselelerin odan ári ilgeriletýge múmkindik beredi dep esepteımin», - dedi depýtat.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir