10 Qarasha, 2020 Barlyq aımaqtar

Brazılııa bas tartty: Qytaı vaksınasy qaýipti me?

Sinovac vaksınasy álem boıynsha synaqtyń sońǵy satysynan ótýde.

Foto: sharespro.ru

Brazılııa Qytaıdyń koronavırýsqa qarsy vaksınasyn synaqtan ótkizýdi toqtatty. 29 qazanda vaksınanyń aýyr saldary anyqtalǵan. Alaıda naqty qandaı saldary bar ekeni naqtylanbady.

Sinovac vaksınasy álem boıynsha synaqtyń sońǵy satysynda. Qytaı ony óz elinde myńdaǵan adamǵa salǵan.

Brazılııa koronavırýsqa shaldyqqandar sany boıynsha álemde aldyńǵy qatarda tur. Onda alty mıllonǵa jýyq adamnan koronavırýs ınfeksııasy tabylǵan.

Djon Hopkıns ýnıversıtetiniń málimetinshe, qazir koronavırýs aýrýy órship turǵan elderdiń úshtigine AQSh, Úndistan jáne Italııa kiredi.

Brazılııada 9 qarashada vaksınanyń aýyr saldary anyqtalǵannan keıin ony synaqtan ótkizý toqtatylǵan. Dál sol vaksına Indonezııa men Túrkııada synaqtan ótti. Alaıda, bul elder vaksınany synaqtan ótkizýdi toqtatpady.

Reuters-tiń málimetine sáıkes, Brazılııanyń medısınalyq zertteý júrgizetin Býtantan ınstıtýtynyń basshysy Dımas Kovas (Dimas Covas) jergilikti BAQ-qa ólim tirkelgenin, biraq onyń vaksınaǵa baılanysty emes ekenin aıtqan.

Seısenbide ótken konferensııada vaksınany synaqtan ótkizýdi toqtatý tańǵalarlyqtaı jaǵdaı emes ekeni aıtyldy. Osyndaı jaǵdaı Brıtanııada  da boldy. Qyrkúıekte Brıtanııada Covid-19 vaksınasyn synaqtan ótkizý toqtatylǵan. Sebebi vaksınany salǵannan keıin eriktiniń jaǵdaıy nasharlaǵan.

Brazılııa prezıdenti Jaır Bolsonarý (Jair Bolsonaro) daıyn vaksınany satyp alýdy qalaıtynyn aıtyp, Qytaı jasaǵan vaksınany satyp alýdan bas tartty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir