Foto: almaty_akimat
Almaty ákimi Bostandyq aýdanyndaǵy jumys sapary kezinde áleýmettik mańyzy bar nysandarda boldy, sonymen qatar qoǵamdyq keńistikterdi abattandyrý barysymen tanysty.
Qala ákimi Instagram-daǵy óziniń paraqshasynda múmkindigi shekteýli jandarǵa qoldaý kórsetetin iske asqan Ten Qogam jobasy týraly aıtyp berdi. Bul ortalyqta múmkindigi shekteýli azamattardy jańa mamandyqqa oqytyp nemese kásibı biliktiligin damytý arqyly jumysqa ornalasýǵa kómek kórsetiledi. Jobany «Shyraq» QB múgedektigi bar áıelder qaýymdastyǵy» júzege asyrýda. Al «Áýen álemi» jobasy balalardyń mýzykalyq qabiletin damytýǵa baǵyttalǵan. Munda balalar dombyra, gıtara men shańqobyzda oınaýǵa tegin úıretiledi.
Qala ákimi dıplomnan keıingi bilim berýdiń halyqaralyq ınstıtýtynda boldy, munda mamandar medısına qyzmetkerlerine halyqaralyq standart boıynsha biliktilikti arttyrý kýrstaryn uıymdastyrǵan. Munda kópsalaly klınıka ashyldy.
«Tamos Education mektebiniń, ulttyq kıim men kádesyı ónimderin tigetin sehtyń damý josparymen, aýlalar, saıabaq, skverler men jaıaý júrginshiler aımaǵyn abattandyrý jumystarynyń barysymen tanystym. Bul jumys qala turǵyndarynyń pikiri men tilekteri eskerile otyryp júrgizilýde», - dep jazdy B. Saǵyntaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir