Aqtóbe oblysynda 2020 jyly 610 shaqyrym avtokólik joly jóndeledi

Bul týraly Ortalyq kommýnıkasııalar qyzmetinde ótken baspasóz konferensııasy barysynda Aqtóbe oblysynyń ákimi Ońdasyn Orazalına málimdedi.

О́ńir Qazaqstandaǵy negizgi kóliktik-tranzıttik habtardyń biri bolyp tabylady, sondyqtan kólik ınfraqurylymyn damytýǵa erekshe nazar aýdarylady.
"Aqtóbe oblysynyń aıtarlyqtaı kólik áleýeti bar. Bul rette jergilikti joldardyń qanaǵattanarlyqsyz jaǵdaıy oblystyń basty problemalarynyń biri bolyp qalýda.

Aǵymdaǵy jyly 610 shaqyrym avtokólik jolyn jóndeýge 40,4 mlrd.teńge bólinip, 545 shaqyrym jol endigi jóndelip qoıdy. Bul jyl sońynda deıin jaı-kúıi qanaǵattanarlyq avtomobıl joldarynyń úlesin 56,5% -dan 59% -ǵa deıin arttyrýǵa múmkindik beredi. Qazirgi ýaqytta oblys aýmaǵynda birneshe iri jol jobalary iske asyrylýda. Olardyń qatarynda "Aqtóbe-Orsk" avtokólik jolyn, Aqtóbe qalasynyń Ońtústik aınalma jolyn qaıta jańartý, "Qobda-Mártók" avtojolyn kúrdeli jóndeý, "Shalqar-Bozoı-О́zbekstan Respýblıkasynyń shekarasy (Núkis)" jáne t.b kólik joldaryn ortasha jóndeý boıynsha iri jobalar júzege asyrylyp jatyr", - dep atap ótti spıker.

О́ńirdi qajetti kólik ınfraqurylymymen qamtamasyz etý jumysyn 2021 jyly jalǵastyrýdy josparlap otyr. Jalpy, kelesi jyly keminde 600 shaqyrym jol jóndelmek.