Jyl basynan beri aqtóbelik sharýalar 236,4 mlrd. teńgege aýyl sharýashylyǵy ónimin óndirdi,- dep habarlady óńir basshysy Ońdasyn Orazalın Ortalyq kommýnıkasııalar qyzmetinde ótken baspasóz konferensııasy barysynda.
«Aýyl sharýashylyǵy oblys ekonomıkasyn damytýda mańyzdy ról atqarady jáne ósimniń qosymsha rezervine aınalýy múmkin. Toǵyz aıdyń qorytyndysy boıynsha óńir ekonomıkasyndaǵy aýyl sharýashylyǵynyń úlesi 4,3% - dy qurady. Memleket basshysy Qazaqstan halqyna joldaýynda azyq-túlik qaýipsizdigin jergilikti taýar óndirýshiler esebinen qamtamasyz etip, eksporttyq áleýetti arttyrý qajettigin atap ótken bolatyn. Prezıdenttiń tapsyrmalaryn oryndaý úshin áleýmettik mańyzy bar azyq-túlik taýarlarynyń 10 túri boıynsha qosymsha rezerv quryldy. Bul maqsatqa oblys ákimdiginiń rezervinen 300 mln.teńge bólindi. Búginde bizdiń oblys 32 azyq-túlik taýarynyń 24 túrimen ózin ózi qamtyp otyr. Halyqty iri saýda jelileri arqyly azyq-túlik taýarlarymen qamtamasyz etý úshin aınalym qarajatyna 500 mln.teńge bólindi. Áleýmettik mańyzy bar azyq-túlik taýarlary baǵasynyń ósýine jol bermeý maqsatynda aǵymdaǵy jyly 124 aýyl sharýashylyǵy jármeńkesi ótkizildi", - dep atap ótti oblys ákimi. qamshy.kz
Taıaýdaǵy 3 jylda osy salada 192 mlrd.teńgege 23 iri ınvestısııalyq joba iske asyrylatyn bolady. Bıyl óńirde 5 gektar jylyjaı keshenin, 400 bas iri qarasy bar sút taýarly fermany jáne t.b. paıdalanýǵa berý josparlanyp otyr. Jaryn 4 myń bas iri qara malǵa 3 sút taýarly ferma, qýattylyǵy jylyna 20 myń tonna bolatyn qus eti bolatyn qus fabrıkasyn ashý josparda bar. qamshy.kz
Ár túrli sýbsıdııa túrlerine 19,7 mlrd. teńge qarastyrylǵan, snyń ishinde tuqym sharýashylyǵyn qoldaýǵa, gerbısıdter men tyńaıtqyshtardy arzandatýǵa 1,3 mlrd.teńgege jýyq qarajat bólindi. Nátıjesinde ortasha túsimdilik 35,3% - ǵa deıin artty. Asyl tuqymdy mal sharýashylyǵyn damytý úshin 10,3 mlrd teńge sýbsıdııalanǵannan keıin asyl tuqymdy iri qara mal basy 6,5%, usaq mal basy 1,8% ósti. qamshy.kz

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir