06 Qarasha, 2020 Barlyq aımaqtar
Pavlodarda koronavırýsqa shaldyqqandar úsh ese ósken
9 qarashadan bastap Pavlodarda karantın jáne shekteý sharalary kúsheıtiledi.
Foto: knews.kg
Elimizdiń bas sanıtar dárigeri Erlan Qııasov premer-mınıstrdiń orynbasary Eraly Toǵjanov bastaǵan delegasııa quramymen SQO, Pavlodar jáne Aqmola oblystarynda boldy.
Jumys sapary barysynda aımaqtardaǵy medısınalyq mekemelerdiń koronavırýs ınfeksııasynyń ekinshi tolqynyna daıyndyǵy tekserildi. Sondaı-aq epıdemıologııalyq ahýal boıynsha kezdesýler ótkizilip, jaǵdaıdy turaqtandyrý boıynsha qabyldanǵan sharalar týraly esepter tyńdaldy.
Sonymen qatar, Pavlodar oblysynda qazan aıynyń sońynda COVID-19 aýrýynyń úsh ese ósýi tirkeldi. Ásirese, Pavlodar, Ekibastuz jáne Aqsý qalalarynda indettiń taralýy órshigen. Aqmola oblysynda tirkelgen koronavırýs ınfeksııasynyń sany úsh esege artty. Osyǵan baılanysty 9 qarashadan bastap aımaqtarda karantın jáne shekteý sharalary kúsheıtiledi.
Densaýlyq saqtaý vıse-mınıstri E.Qııasov Aqmola oblysy sanıtarlyq-epıdemıologııalyq baqylaý komıtetiniń qyzmetkerlerimen, sondaı-aq ulttyq saraptama ortalyǵy oblystyq fılıalynyń basshysymen kezdesýler ótkizip, onyń barysynda azamattar men kásipkerlik sýbektileriniń sanıtarlyq-epıdemıologııalyq talaptardy saqtaý qajettiligi týraly eske saldy. Sonymen birge, PTR ádisimen COVID-19 ınfeksııasyn anyqtaý baǵytynda zerthanalyq tekserýler sanyn kóbeıtýdiń mańyzdylyǵyna toqtaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir