Ultarazdyqty týdyrǵan Qostanaı turǵynyna sot úkimi shyqty

Ultarazdyqty qozdyrǵan Qostanaı oblysy Rýdnyı qalasynyń turǵyny Kırıll Aleksandrovıch Bojko 2 jylǵa sottaldy. Bul týraly oblystyq sottyń baspasóz qyzmeti habarlady.

"Sottalýshynyń kinási beınejazba jáne arnaıy saraptama qorytyndysymen dáleldendi. Sot is boıynsha barlyq mán-jaıdy eskere otyryp, Bojkony 2 jylǵa bas bostandyǵynan aıyrý jazasyn taǵaıyndady. Úkim zańdy kúshine engen joq" delingen habarlamada.

Eske sala keteıik, Kırıll Bojko Inter vata youtube arnasyna bergen suhbatynda Qazaqstan Respýblıkasynyń memlekettik tilin, jerin qorlap, qazaq halqynyń ar-namysyna tıetin sózder aıtqan bolatyn.

Keıinnen Kırıll Bojko ultarazdyqty qozdyratyn sózderi úshin keshirim surap, ókinish bildirgen. Alaıda jelide keı qoldanýshylar azamatty Qazaqstannyń qylmystyq kodeksiniń 174-baby (áleýmettik, ulttyq, rýlyq, násildik, tektik-toptyq nemese dinı arazdyqty qozdyrý) boıynsha jaýapqa tartýdy talap etken.