• USD 424.85

  • EUR 504.21

  • RUB 5.84

  • CNY 65.86

19 Qańtar, 17:05:30
Almaty
+1°

Keńes tóraǵasy, Májilis depýtaty Qanat Mýsın koronavırýs pandemııasy búkil álemde ekonomıkalyq quldyraýǵa alyp keldi dep atap ótti.

«Elimizde karantınge baılanysty ekonomıkaǵa jáne naqty sektordaǵy kásiporyndardyń, sonyń ishinde eń aldymen shaǵyn jáne orta bıznestiń qyzmetine teris áser etti. Memlekettik qoldaýdyń birinshi kezektegi baǵyty - zańnamalyq bazany jaqsartý», - dedi Qanat Mýsın.

Keńes músheleriniń pikirinshe, shaǵyn jáne orta bıznes salasyndaǵy turaqtylyq asa mańyzdy, óıtkeni shaǵyn jáne orta bıznespen aınalysatyndardyń sany halyqtyń 31,7%-tin quraıdy. Kásipkerlerdiń quqyqtaryn qorǵaý jónindegi ýákil Rýstam Júrsinovtyń aıtýynsha, engizilgen karantındik sharalardyń saldarynan 40 myńnan astam bıznes sýbektisi zardap shekken.

«Qazirgi ýaqytta kásipkerler jumys isteýge múmkindik berýdi surap otyr. Pandemııanyń ekinshi tolqyny júrip jatyr, biraq shekteý sharalaryna muqııat bolý kerek», - dedi bıznes-ombýdsmen.

Otyrysqa qatysýshylar Memleket basshysy Qasym-Jomart Toqaevtyń bıznesti retteýdiń ońtaıly tásilderin ázirleý jónindegi tapsyrmalarynyń oryndalýyna toqtaldy. Esterińizge sala keteıik, Prezıdent Qazaqstan halqyna Joldaýynda retteýdi «basynan bastap» engizýdi, ıaǵnı kásipkerlerge qoıylatyn talaptardy qaıta qaraýdy usynǵan bolatyn.

«Qazirgi ýaqytta memleket tarapynan  qoıylyp otyrǵan 30 myńǵa jýyq talap bar, olardyń kópshiligi eskirgen, basqalary qaıtalanýda. Osyǵan baılanysty kásipkerlerdiń memlekettik organdarǵa degen senimsizdigi artyp keledi», - dedi Keńes múshesi, Májilis depýtaty Vasılıı Oleınık.

Qalyptasqan jaǵdaıǵa túsindire bere kele, ulttyq ekonomıka birinshi vıse-mınıstri Áset Erǵalıev keńes múshelerine kelesi jyldyń qyrkúıeginde parlamenttiń tómengi palatasyna tıisti zań jobasy beriletinin aıtty.

«Qujatta 3 kodekske, 8 zańǵa, memlekettik organdardyń 66 buıryǵyna bızneske kedergi keltiretin jáne azamattardyń densaýlyǵy men qorshaǵan ortany qorǵaýǵa baǵyttalmaǵan qaıshylyqty, eskirgen talaptardy joıýǵa baǵyttalǵan ózgerister engizýdi kózdeıdi. Budan basqa, bıznes eseptiligin tolyq avtomattandyrýdy engizý jáne eseptilik bazalaryn qaıta qalpyna keltirý josparlanýda», - dedi Áset Irǵalıev.

Taǵy bir mańyzdy másele mıkroqarjy uıymdarynyń qyzmeti. Atap aıtqanda, Quqyqtyq keńes tóraǵasy banktik zaım qol jetimsizdigine baılanysty bankter mıkroqarjy uıymyna júginýge májbúr ekenin atap ótti.

«Qazir avtobýs aıaldamalarynda shaǵyn nesıe alyp, birden aqsha alýdy usynady. Biraq bul aqshanyń quny qandaı? Keıbir jaǵdaılarda paıyzdyq mólsherleme 700%-ke jetedi! Bul mıkroqarjy uıymdary azamattardyń qarjylyq saýatsyzdyǵyn paıdalanyp, olardy qaryzǵa batyrýda. Sonymen qatar alaıaqtyq jaǵdaılary da jıi kezdesedi. Adamnyń JSN-in, telefon nómirin bilý arqyly mıkrokredıtti kez-kelgen adamǵa ilip qoıýǵa bolady. О́tinish bildirýshiniń jeke basyn jáne kimge nesıe beriletinin eshkim teksermeıdi», - dep atap ótti Qanat Mýsın.

О́z kezeginde Ulttyq ekonomıka birinshi vıse-mınıstri ekonomıkalyq ósimdi qalpyna keltirý máseleleri jónindegi zań jobasynda sheshimder usynylǵanyn málimdedi. Basty jańalyq – ekinshi deńgeıdegi bankterge qoıylatyn talaptar mıkroqarjy uıymdaryna da qoldanylatyn bolady. Budan basqa, paıyzdyq mólsherlemelerge jáne alaıaqtyqty boldyrmaýǵa shekteýler bolady.

Quqyqtyq keńes otyrysyn qorytyndylaı kele, Qanat Mýsın tıisti memlekettik organdarǵa shaǵyn jáne orta kásipkerlikti odan ári zańnamalyq qoldaýdy jetildirý boıynsha naqty usynystar jiberiletinin atap ótti.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir