«Aldyn alý sharalary árbir adamǵa qatysty» - COVID-19 jaǵdaıy ýshyǵa tústi, almatylyqtardy aldyn alý sharalaryn ustanýǵa shaqyrady

Almatydaǵy №25 qalalyq emhananyń bas dárigeri Álııa Mazbaeva О́ńirlik kommýnıkasııalar qyzmeti alańynda ótken onlaın-suhbat barysynda koronavırýsqa qatysty kúrdeli epıdemııalyq jaǵdaıdy eskere otyryp, turǵyndarǵa aldyn alý sharalary týraly eske saldy.

A. Mazbaevanyń aıtýynsha, keıbir elderde ınfeksııanyń qaıtalaný jaǵdaılary, aýrýdy juqtyrýdyń ósýi baıqalady.

Anyqtama úshin: Túrkııa prezıdenti Rejep Taıyp Erdoǵan koronavırýs pandemııasyna baılanysty karantındik shekteýlerdiń kúsheıtilgenin habarlady. Elde jalpyǵa mindetti maska rejımi, sondaı-aq áleýmettik qashyqtyq saqtaý jáne gıgıena sharalary engizilýde.
Italııada sársenbige qaraǵan túni premer-mınıstr qoǵamdyq ómirdegi jańa shekteýler týraly dekretke qol qoıdy. Atap aıtqanda, beısenbiden bastap respýblıkada komendanttyq saǵat jumys isteı bastaıdy: keshki onnan keıin azamattar úılerinen tek qatty qajet jaǵdaılarda ǵana shyǵa alady.
Shvesııa koronavırýs ınfeksııasyn juqtyrýshylar sanynyń kóbeıýine baılanysty dámhanalar men meıramhanalarda dastarhan basynda birge otyra alatyn adamdardyń sanyn 8 adamǵa deıin shektedi.

Álemdegi epıdemııalyq ahýaldyń qaıta ýshyǵýyna baılanysty jáne aldyńǵy tájirıbeni eskere otyryp, Almaty qalasynyń barlyq emhanalary koronavırýstyń yqtımal jańa tolqynyna daıyndyqty qamtamasyz etti.

Emhanalardyń jumysynda COVID-19 boıynsha aqparattyq jumystarǵa, koronavırýs ınfeksııasyn juqtyrýdyń saqtyq sharalaryna erekshe nazar aýdarylady, óıtkeni qart adamdar, jas balalar, júkti áıelder jáne sozylmaly aýrýlarmen (astma, qant dıabeti, júrek-qan tamyrlary aýrýlary) aýyratyn jáne ımmýnıteti álsiregen adamdar aýrýǵa beıim jáne táýekel (qaýip) tobyna jatady.

Bas dáriger Almaty turǵyndaryna koronavırýsqa qarsy aldyn alý sharalaryn eske salyp, kelesi usynystardy berdi:
- respıratorlyq ınfeksııanyń aıqyn belgileri bar adamdarmen, sondaı - aq adamdar kóp jınalatyn oryndarmen baılanysqa túspeý;
- tynys alý organdaryn qorǵaý quraldaryn paıdalaný: bir rettik medısınalyq maskalar, respıratorlar;
- túshkirý nemese jótelý kezinde tynys alý etıketin saqtańyz;
mádenı-jappaı is-sharalarǵa qatyspaý;
- qol gıgıenasyn saqtaý (sabyn jáne antıseptıkalyq quraldardy paıdalana otyryp), onyń ishinde adamdar kóp jınalatyn oryndarǵa barǵannan keıin;
- jedel respıratorlyq vırýstyq aýrýdyń belgileri bolǵan jaǵdaıda dereý medısınalyq kómekke júginińiz.

«Aldyn alý sharalary árbir adamǵa qatysty. COVID-19 jaǵdaıy ýshyǵa tústi, almatylyqtardy aldyn alý sharalaryn ustanýǵa shaqyramyn. Tynys alý aýrýynyń belgileri bolǵan kezde ózin-ózi emdeýdi boldyrmaý jáne dárigerlerdiń kómegine júginý kerek. Bul rette, joq, óz betimen emhanaǵa baryp, aınalasyndaǵylarǵa juqtyrýdyń qajeti joq, dárigerdi úıge shaqyrý kerek», - dep atap ótti bas dáriger.

Halyqty koronavırýstyń jeke jáne qoǵamdyq aldyn alý sharalary týraly habardar etý emhanalardyń saıttarynda, áleýmettik jelilerde aqparat ornalastyrý arqyly júrgiziledi. Sonymen qatar, MÁMS boıynsha aqparattyq–túsindirý jumystaryn júrgizý úshin býkletter ázirlendi.